Reiknað með 50 manna hópi flóttafólks til Blönduóss og Hvammstanga
Sveitarstjórnir Blönduóss og Húnaþings vestra fengu í desember í hendur erindi frá velferðarráðuneytinu þar sem þess er farið á leit að sveitarfélögin taki á móti hópi sýrlenskra flóttamanna á þessu ári. Hópurinn sem hér um ræðir er fjölskyldufólk sem telur um 50 manns og er reiknað með að hann deilist jafnt á sveitarfélögin tvö. Auk þess er fyrirhugað að 25 einstaklingar fái samastað á suðvesturhorni landsins að því er segir í Fréttablaðinu um helgina en þar var rætt við Valdimar O. Hermannsson, sveitarstjóra á Blönduósi.
Valdimar segir sveitarstjórn hafa lýst yfir vilja til að skoða málið jákvætt en hafi þó sett dálítið stóran fyrirvara hvað varðar húsnæðismál þar sem þröngt sé um húsnæði á Blönduósi þó mikið sé í byggingu. Segist hann hafa óskað eftir nánari upplýsingum um málið í erindi til ráðuneytisins nú fyrir helgina, meðal annars um samsetningu hópsins og tímasetningar.
Nú þegar hefur hópur frá velferðarráðuneytinu og Rauða krossinum farið utan og valið þá sem hingað koma í vor. Valdimar segir hugmyndina vera þá að um 50 manna hópi fjölskyldufólks verði skipt jafnt milli Hvammstanga og Blönduóss sem svo gæti jafnvel verið í samstarfi við Skagaströnd en þar sé eitthvað um að húsnæði sé á lausu. „Ráðuneytið er að bjóða mjög víðtækan stuðning í eitt ár en eftir það ætti fólkið að vera komið í vinnu eða inn á einhvers konar bótakerfi,“ segir hann.
Blönduós hefur áður tekið á móti flóttafólki en fyrir um tuttugu árum kom þangað hópur fólks sem flúði stríðsátökin á Balkanskaga. Sá hópur staldraði ekki lengi við að sögn Valdimars, ekki vegna þess að fólkið hefði eitthvað út á staðinn að setja, heldur fóru sumir til síns heima að stríðinu loknu en aðrir fluttu til Reykjavíkur og hefur sumum vegnað þar mjög vel. Segir Valdimar að þó meirihluti bæjarbúa sé jákvæður gagnvart því að taka á móti nýjum hópi sitji það í sumum að mikil vinna var lögð í móttöku flóttafólksins á sínum tíma en það hafi svo bara verið horfið á braut einn daginn. „Sumir spyrja sig hvort þetta fólk sé komið til að vera eða bara til að bíða af sér einhvern storm,“ segir hann.
Valdimar segir að Blönduós sé vaxtarsvæði varðandi möguleika flóttafólksins til atvinnu. „Það hefur verið skortur á fólki í þjónustustörf, umönnunarstörf og tæknistörf í kring um gagnaverið,“ segir hann. „Það vantar líka hér á verkstæðin; vélvirkja og iðnaðarmenn alls konar.“ Hins vegar sé húsnæðisskorturinn vandamálið. Nú sé sveitarfélagið með fimm hæða íbúðablokk í byggingu en hún verði ekki tilbúin fyrr en eftir 12 til 14 mánuði. . „Við erum að ýta við byggingaverktökum sem hafa verið uppteknir við gagnaverið. Við vorum með sérstaka afslætti á lóðum og nú snúa þeir sér að því að byggja hús á þeim,“ sagði Valdimar O. Hermannsson í viðtali við Fréttablaðið á laugardaginn.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.