,,Saumaáhuginn leiddi til allslags tilrauna“
Guðrún Björg Guðmundsdóttir, oftast kölluð Gunna, fædd og uppalin í Húnavatnssýslu, búsett í Jöklatúninu á Króknum.
Hvernig byrjaðir þú og hve lengi hefur þú stundað hannyrðir? Ég hef stundað hannyrðir svona frá tvítugsaldri, kláraði Húsmæðraskólann á Varmalandi í Borgarfirði 1975/6 og upp frá því byrjaði ég að sauma, fyrst mikið af fötum á börn og þá voru glansgallarnir í tísku sem ég saumaði mikið af á strákana mína og einnig seldi ég afraksturinn. Saumaáhuginn leiddi til alls slags tilrauna og saumaði ég dömuveski og fleira úr leðri og roði og seldust þau eins og heitar lummur um landið vítt og breitt. Ég prófaði bútasaum, hef málað á steina, málað á þurrburstað keramik og ég hef þæft hannyrðir úr ull. Ég hef einnig prjónað mikið í gegnum tíðina, mest nú á barnabörnin og hef m.a. hannað mynstur í peysur handa sonum mínum sem stunda mikla fjallamensku þar sem Toyota bílar, og nú næst Benz merkin, eru í forgrunni.
Hvaða handavinna þykir þér skemmtilegust? Mér finnst allt skemmtilegt og einhvern veginn í raun það sem ég er að fást við hverju sinni, núna prjóna ég mest einhverjar flíkur á barnabörnin.
Hverju ertu að vinna að um þessar mundir? Nú er ég ekki að gera neitt sérstakt, en líklega fitja ég upp fljótlega að einu ungbarnasetti.
Hvar færðu hugmyndir? Úr hannyrðablöðum og af netinu.
Hvaða handverk sem þú hefur unnið ertu ánægðust með? Ég held að það sé leðurtöskuframleiðslan og svo auðvitað prjónaskapurinn.
Eitthvað sem þú vilt bæta við? Hannyrðir eru góð afþreying til að eyða tíma þegar ekki er verið í vinnunni, golfi eða Oddfellowstarfi.
Áður birst í tbl.22 Feykis 2023.
Fleiri fréttir
-
16 dagar til jóla
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 08.12.2023 kl. 13.15Upp er runninn föstudagur, ákaflega skýr og fagur eins og hefur einkennt síðustu daga svo mjög, skýrir og fallegir -16 dagar til jóla. Eins og spáin er, lítur út fyrir að þetta haldist óbreytt næstu daga. Gangið hægt um gleðinnar dyr um helgina, góða skemmtun á þeim viðburðum sem einhver ykkar sækið og klæðið ykkur í ull hún heldur á ykkur hita í frostinu.Meira -
Emelíana Lillý sigraði
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 08.12.2023 kl. 13.00Þann 6. desember var söngkeppni FNV haldin líkt og undanfarin ár, til þess að skera úr um hver fer fyrir hönd skólans í stóru Söngkeppni framhaldsskólanna 2024.Meira -
Maður ársins á Norðurlandi vestra - Feykir auglýsir eftir tilnefningum
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 08.12.2023 kl. 12.45Líkt og undanfarin ár leitar Feykir til lesenda með tilnefningar um mann ársins á Norðurlandi vestra. Tanja M. Ísfjörð var kjörin maður ársins fyrir árið 2022 en nú er komið að því að finna verðugan aðila til að taka við nafnbótinni Maður ársins á Norðurlandi vestra 2023.Meira -
Danssýning í Varmahlíðarskóla
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Fréttir 08.12.2023 kl. 12.10Nemendur allra bekkja Varmahlíarskóla fengu danskennarann Ingunni Margréti Hallgrímsdóttur frá Dalvík til sín í upphafi vikunnar og sýndu svo afrakstur kennslunnar með danssýningu sem aðstandendum var boðið að koma á í gær.Meira -
Tilmæli til notenda hitaveitu í Skagafirði
feykir.is Skagafjörður, Fréttir 08.12.2023 kl. 11.40Frostið hefur nú verið í tveggja stafa tölu dag eftir dag og þegar þannig viðrar þurfum við notendur heita vatsins að fara sparlega með vatnið svo ekki komi til lokana. Skagafjarðarveitur villja koma þeim tilmælum til viðskiptavina sinna, og þá sérstaklega skal bent á að sleppa notkun á heitum pottum meðan kuldinn er sem mestur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.