Selarannsóknir við Selasetur Íslands 2008-2020
Opinn fyrirlestur verður haldinn á Selasetri Íslands á Hvammstanga 20 febrúar þar sem flutt verður samantekt af selarannsóknum sem hafa verið stundaðar við Selasetrið, ásamt þýðingu þeirra fyrir samfélag og selastofna.
Í erindinu verður farið yfir það selarannsóknastarf sem hefur verið stundað við Selasetrið í samstarfi við Hafrannsóknastofnun (áður Veiðimálastofnun), allt frá því að Rannsóknardeild Selaseturs hóf störf til dagsins í dag. Í tilkynningu frá Selasetri kemur fram að tvær selategundir kæpa við Íslandsstrendur; útselir og landselir og því hefur kastljósið beinst að þeim. Mikill fækkun hefur orðið í báðum stofnum síðan talningar hófust á áttunda áratugnum og því eru báðar selategundirnar á válista íslenskra spendýra í dag.
„Samhliða þessari fækkun á sér stað mikil bein og óbein samskipti sela og manna, m.a. vegna fiskveiðimanna (sjómennska og laxveiðiiðnaður) og nýlega vegna uppbyggingu ferðaþjónustunnar og selaskoðun. Í ljósi þess hefur verið nauðsynlegt að rannsaka betur líffræði sela við íslenskar aðstæður, áhrif á selastofna af mannavöldum, ásamt hugsanlegum áhrifum sela á athafnir manna.“
Í fyrirlestrinum verður farið yfir helstu rannsóknarverkefnin á líffræði og vistfræði sela; aðferðir við selarannsóknir útskýrðar, niðurstöður kynntar og þýðingu slíkrar rannsóknar fyrir selastofna við strendur landsins, ásamt samfélaginu, ræddar. Meðal annars verður fjallað um útbreiðslu landsela og útsela og breytingar í stofnstærð frá því að talningar hófust 1980. Einnig verður fjallað um rannsóknir á fæðuvali sela og samspil þeirra við fisk- og laxveiðar, áhrif ferðamennskunnar á seli og hvernig er hægt að lágmarka neikvæð áhrif vegna truflana af mannavöldum. Fyrirlesturinn verður á íslensku.
Sjá nánar HÉR
Fleiri fréttir
-
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira -
Lifandi samfélag – er slagorð Húnaþings vestra
feykir.is Vestur-Húnavatnssýsla 24.04.2024 kl. 08.03Á dögunum var efnt til kosningar á milli fimm tillagna af slagorði fyrir Húnaþing vestra. Slagorðið Lifandi samfélag varð hlutskarpast og hefur sveitarstjórn samþykkt tillöguna. Í tengslum við kosninguna var þátttakendum boðið að skrá netfang sitt og taka þátt í happadrætti. Dregið hefur verið úr pottinum og voru Pálína Fanney Skúladóttir og Hörður Gunnarsson dregin úr pottinum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.