Sina Scholz er knapi ársins hjá Skagfirðingi
Árshátíð og uppskeruhátíð Hestamannafélagsins Skagfirðings var haldin laugardaginn 3. nóvember í Melsgili í fyrrum Staðarhreppi. Margir voru sæmdir verðlaunum fyrir góðan árangur á keppnisvellinum og félagi ársins var valinn í fyrsta sinn. Veislustjóri kvöldsins var Ingimar Ingimarsson á Ytra- Skörðugili.
Á heimasíðu Skagfirðings kemur fram að veitt hafi verið verðlaun fyrir afreksknapa ársins, Stefán Logi Haraldsson stjórnarmaður LH og Skagfirðingur flutti ávarp og gefnir voru folatollar undir fjóra gæðinga, Kná frá Ytra – Vallholti, Nóa frá Saurbæ, Glúm frá Dallandi og Skutul frá Hafsteinsstöðum. Helga Sig. framreiddi þriggja rétta máltíð og hljómsveitin Staksteinar léku fyrir söng og dansi fram á nótt.
Knapi ársins var Sina Scholz en hún náði frábærum árangri með hestinn sinn Nóa frá Saurbæ en þau voru meðal annars í A-úrslitum í A-flokk á Landsmóti, sigruðu B-úrslit og lentu í 6.sæti í fimmgang á Íslandsmóti ásamt því að sigra A-flokk á Félagsmóti Skagfirðings og fimmgang á íþróttamóti UMSS.
Í fyrsta skipti var kosinn félagsmaður ársins þar sem allir félagsmenn Skagfirðings gátu kosið þann sem vann ötullega fyrir félagið á árinu. Í ár var félagi ársins Unnur Rún Sigurpálsdóttir.
Tilnefnd til íþróttaknapa ársins voru Sina Scholz, Rósanna Valdimarsdóttir og Mette Mannseth. Mette var íþróttaknapi ársins þetta árið en hún náði frábærum árangri á íþróttamóti UMSS í vor.
Til gæðingaknapa ársins voru Sina Scholz, formaðurinn Skapti Steinbjörnsson og Egill Þórir tilnefnd. Skapti Steinbjörnsson sigraði gæðingaknapa ársins annað árið í röð en hann sigraði B-flokk og lenti í 2. sæti í A-flokk á Fákaflugi og Félagsmóti Skagfirðings.
Til skeiðknapa ársins voru tilnefnd Elvar Einarsson, Finnbogi Bjarnason og Þórarinn Eymundsson. Þetta er í fyrsta skipti sem þessi verðlaun eru veitt og í ár sigraði Elvar Einarsson en hann var meðal annars í 7. sæti á Landsmóti og sigraði 250 og 150 metra skeið á íþróttamóti UMSS.
Í áhugamannaflokki voru tilnefnd Sveinn Brynjar Friðriksson, Sveinn Einarsson og Birna Sigurbjörnsdóttir. Birna sigraði þennan flokk en hún sigraði tölt og var í öðru sæti í sínum flokki á íþróttamóti UMSS ásamt góðum árangri í Skagfirsku mótaröðinni í vetur.
Í ungmennaflokk voru Guðmar Freyr Magnússon, Unnur Rún Sigurpálsdóttir og Viktoría Eik Elvarsdóttir tilnefnd.
Í þessum flokki var mjótt á munum en Viktoría Eik var knapi ársins í ungmennaflokki en hún var í úrslitum á Landsmóti og Íslandsmóti ásamt góðum árangir á íþróttamóti UMSS.
Myndir frá kvöldinu má nálgast á skagfirdingur.is
Fleiri fréttir
-
Þegar fyrsti leikur fer í gang er sumarið komið!
feykir.is Skagafjörður, Íþróttir 20.04.2024 kl. 14.37Það kemur sjálfsagt engum á óvart sem þekkir Bryndísi Rut Haraldsdóttur, fyrirliða kvennaliðs Tindastóls í Bestu deildinni í knattspyrnu, að sumarið leggst alveg rosalega vel í hana. „Ég er orðin mjög spennt að byrja tímabilið eftir langan vetur og held að þetta verði alveg ótrúlega gaman – eins og þetta er nú alltaf!“ segir hún hress og jákvæð. Feykir lagði nokkrar spurningar fyrir fyrirliðann en fyrsti leikur Stólastúlkna í Bestu deildinni er á morgun, sunnudag kl. 16, og er frítt á völlinn í boði Uppsteypu.Meira -
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.