Sjálf kann ég ekki að „sitja með hendur í skauti“
Sigrún Grímsdóttir er fædd 1942 í Saurbæ í Vatnsdal og uppalin þar, síðar bóndi í 49 ár. Síðustu fimm árin hefur hún búið á Blönduósi. Hún segir lesendum Feykis frá því hvað hún er með á prjónunum þessa dagana.
Gefum Sigurúnu orðið: „Ég man ekki eftir mér öðruvísi en með einhvers konar handavinnu en snillingurinn móðir mín kenndi okkur systrum. Dýrmæt minning um okkur allar sitjandi við stofuborðið með hannyrðir við hæfi. Ljósgjafinn var stór olíulampi. Síðar fór ég í Kvennaskólann á Blönduósi og lærði þar margt nytsamlegt.
Sem sveitakona fyrir síðustu alda-mót, þurfti ég að sauma flest öll föt á fjölskylduna, jafnt spari- og utanyfirföt. Stoltust var ég þegar vel tókst til að gera fallegar flíkur upp úr gömlu. Nú er talað um hönnun og list – þetta sem þótti sjálfsagt mál.
Einnig prjónaði ég allt sem þurfti og naut þá gömlu prjónavélarinnar úr búi ömmu minnar. Það ver sérstök athöfn, vetur hvern, að setja upp þetta flikki og prjóna ullarboli, gammosíur, sokka og peysur.
Svo komu lopapeysurnar til einka-nota og í mörg ár hef ég prjónað fyrir Handprjónasambandið.
Útsaum sinnti ég framan af en hef nú snúið mér að hekli og prjóni. Eitt hef ég gert svolítið að ,,mínu“, það eru fingravettlingar með nafni og rós. Upplagt í tækifæris- og jólagjafir.
Ég hef gaman af allri handavinnu en núna finnst mér gaman að ögra sjálfri mér með nýjum og ögn flóknum uppskriftum, einnig að prufuprjóna fyrir hönnuð.
Ég er svo heppin að í Félagsstarfi eldri borgara á Blönduósi er til mikið af skemmtilegum uppskriftum og efni og flinkir leiðbeinendur. Eiginlega fyllist ég valkvíða þegar velja skal eitthvað eitt.
Hannyrðir er stórt orð, sem nær yfir svo margt, líka smíðar. Mér finnst alveg nauðsynlegt að allir menn og konur tileinki sér eitthvað af því tagi.
Mörg listaverkin verða til samhliða sjónvarpsáhorfi, eða góðvinaspjalli. Sérstaklega þegar árin færast yfir og hægist um, er svo gott að dunda sér við handverk. Sjálf kann ég ekki að „sitja með hendur í skauti“.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.