Sjávarborg opnar senn á Hvammstanga
Sveitasetrið Gauksmýri opnar á næstunni nýjan veitingastað á Hvammstanga og hefur veitingastaðurinn fengið nafnið Sjávarborg. Veitingastaðurinn verður staðsettur á efri hæð Selaseturs Íslands. Norðanátt.is birti nýlega umfjöllun um hinn nýja veitingastað og hvernig unnið er nú hörðum höndum að því að breyta húsnæðinu í veitingastað.
Gauksmýri hefur jafnframt tekið við rekstri skólamötuneytis fyrir Grunnskóla Húnaþings vestra og er maturinn eldaður á veitingastaðnum á Hvammstanga og fluttur upp í skóla þar sem hann er framreiddur til nemenda og starfsfólks.
Sjávarborg áformar að opna í hádeginu um mánaðarmótin febrúar/mars næstkomandi og verður þar, til að byrja með, sami matseðill og er í skólamötuneytinu. Í hádeginu verður boðið uppá þrennskonar fyrirkomulag sem hægt er að velja á milli; 1) að kaupa staka máltíð, 2) að kaupa kort sem gildir fyrir tíu máltíðir og 3) að vera í áskrift alla virka daga og fá sendan reikning mánaðarlega.
Nánari upplýsingum um þetta verður komið á framfæri þegar ljóst er hvenær staðurinn verður tilbúinn til opnunar. Vonast er svo til að opnun veitingastaðarins á kvöldin og um helgar verði fyrir komandi páska.
„Nafnið Sjávarborg vísar aftur í tímann í söguna um húsið Sjávarborg eða Möllershús sem stóð á sjávarkambinum þar sem síðar var byggt frystihús Kaupfélags Vestur Húnvetninga. Húsið var flutt þrisvar og stendur nú við Spítalastíg. Það er talið vera elsta húsið á Hvammstanga,“ segir á vefnum.
Sveitasetrið Gauksmýri leitar nú til íbúa Húnaþings vestra um álit og ráð varðandi veitingastaðinn. Hægt er að koma ábendingum á framfæri á netfangið jalberts@gauksmyri.is eða í síma 869-7992 (Jóhann) og 845-0590 (Sigga). Einnig er hægt að koma ábendingum bréfleiðis.
- Átt þú í fórum þínum gamlar myndir frá höfninni á Hvammstanga eða sláturhúsinu/frystihúsinu sem þú værir til í að lána okkur til að taka eftirprentun? Meiningin er að gera sögunni skil í máli og myndum.
- Átt þú í fórum þínum gamla hluti sem tengjast sjósókn svo sem akkeri, skrúfu, stýri, net , netahringi, beitningabala(línubali), kúlur, baugjur o.s.frv. og gætir hugsað þér að láta okkur fá til skreytinga á staðnum?
- Hvað vilt þú sjá á matseðlinum?
- Hver á opnunartíminn að vera?
- Hvers konar viðburði vilt þú sjá á þessum nýja stað?
- Annað sem þú vilt koma á framfæri varðandi veitingastaðinn.
Nokkrar myndir frá framkvæmdum má skoða á Norðanátt.is.
Fleiri fréttir
-
Skagstrendingar óttast að hækkun veiðigjalda ýti undir sölu aflaheimilda frá staðnum
feykir.is Austur-Húnavatnssýsla, Lokað efni 27.05.2025 kl. 16.46Í frétt á vef SSV er sagt frá því að þegar skoðað er hvernig hækkun veiðigjalds gæti hækkað eftir stærð fiskiskipa, í veiðimagni talið, kemur í ljós að hún er hlutfallslega mest hjá þeim smæstu. Það eru þau sem veiða á bilinu 1 til 349 tonn á ári en þetta leiða útreikningar í ljós. Lítill kvóti er eftir til skiptanna á Skagaströnd og Feykir spurði Halldór Gunnar Ólafsson oddvita á Skagaströnd hvort sveitarstjórn hefði áhyggjur af hækkun veiðigjalda í ljósi þessa.Meira -
Emma og Júlía gera gott mót í Sandefjord
feykir.is Skagafjörður, Íþróttir, Lokað efni 27.05.2025 kl. 15.07Tveir keppendur frá badmintondeild Tindastóls tóku í vikunni þátt í Sandefjord Open mótinu sem fer fram í bænum Sandefjord í Noregi. Keppendur á mótinu eru 360 talsins en mótið stendur yfir í þrjá daga. Systurnar Emma Katrín og Júlía Marín tóku þátt í sex greinum, náðu í eitt gull, eitt silfur og eitt brons.Meira -
Krakkarnir brillera en reiknimeistarar klúðra
feykir.is Hr. Hundfúll 27.05.2025 kl. 13.50Herra Hundfúll fylgdist með keppni í Skólahreysti með öðru auganu nú á laugardaginn. Hann gladdist talsvert yfir gengi skólanna á Norðurlandi vestra. Varmhlíðingar voru sendir upp á svið til að taka við verðlaunum fyrir þriðja sætið en nemendur Grunnskóla Húnaþings vestra enduðu í fjórða sæti en með jafnmörg stig og Varmahlíðarskóli. En svo var farið að reikna ... aftur...Meira -
Allir með
feykir.is Skagafjörður, Austur-Húnavatnssýsla, Íþróttir, Aðsendar greinar 27.05.2025 kl. 13.26UMSS, Svæðisstöðvar íþróttahéraða og Íþróttasamband fatlaðra (ÍF) boða til vinnustofu fyrir forsjáraðila, íþróttaþjálfara, starfsfólk skóla og áhugafólk um íþróttir. Á vinnustofunni ætlum við að ræða hvernig við getum komið af stað skipulögðum æfingum eða komið fötluðum og þeim sem finna sig ekki í almennum íþróttum betur inn í það íþróttastarf sem er nú þegar í boði í Skagafirði.Meira -
Magga Steina vígð til djákna í Hóladómkirkju
feykir.is Skagafjörður, Mannlíf, Lokað efni 27.05.2025 kl. 13.05Það var merkur dagur á sunnudaginn þegar Margrét Steinunn Guðjónsdóttir var vígð til djákna í Reykjavíkurprófastdæmi vegna starfa sinna á Löngumýri við orlof eldri borgara. Í fallegri afhöfn í Hóladómkirkju, sem sr. Gísli Gunnarsson vígslubiskup leiddi, voru þjónandi prestar í Skagafirði, Anna Hulda djákni og fleiri sem tóku þátt, en sr. Bryndís Malla prófastur í Reykjavíkurprófasdæmi lýsti vígslunni.Meira
