„Sjóræningjarnir hafa skapað sér sess í hjörtum barna“ - Síðasta sýningarhelgi Gulleyjunnar
Um næstu helgi verður Gulleyjan sýnd í síðasta sinn hjá Leikfélagi Akureyrar en frumsýnt var í lok janúar og sýnt hefur verið á fullum krafti síðan. „Um er að ræða sannkallaða fjölskyldusýningu því að ungir jafnt sem aldnir hafa hópast í Samkomuhúsið til að upplifa sjóræningjana um borð í Hispanjólu syngja og leika,“ segir í fréttatilkynningu frá leikfélaginu.
Upphaflega stóð til að hætta sýningum 21. mars en vegna mikillar aðsóknar var ákveðið að lengja sýningartímabilið heilan mánuð. Sýningarnar verða því 45 talsins á 12 vikna tímabili þegar yfir lýkur, samkvæmt fréttatilkynningu.
Auk hefðbundinna sýninga hafa verið ýmsir aðrir viðburðir í kringum Gulleyjuna og má þar nefna þegar Leikfélag Akureyrar bauð á fimmta hundrað grunnskóla- og leikskólabörnum í heimsókn sýningartímabilinu. Þar fengu þau að fara inn í leikmynd Gulleyjunnar, þeim sýnt baksviðs og hinum ýmsu leikhústöfrum verið uppljóstrað.
Einnig hélt LA nýlega Gulleyju ævintýramorgunn þar sem börnum var boðið að koma og eiga góða stund með sjóræningjunum. Leikfélagið hefur oft haldið slíka morgna og hafa þeir alltaf verið vinsælir, segir í fréttatilkynningu, en greinilegt var að sjóræningjarnir hafa skapað sér sess í hjörtum barna á svæðinu því aldrei hafa jafn margir lagt leið sína eins og í þetta sinn. Salur Samkomuhússins troðfylltist og langur biðlisti myndaðist.
„Síðast en ekki síst má nefna að vegna Gulleyjunnar hafa sjóræningjafánar verið áberandi á flaggstöngum Akureyringa sem hafa dregið fána á hún sjóræningjunum til heiðurs. Sérstaklega hvatti leikfélagið bæjarbúa til að flagga um frumsýningarhelgina og þegar fimmþúsundasti gesturinn kom á sýninguna í byrjum mars.“
Leikfélag Akureyrar vill koma á framfæri þakklæti til allra þeirra sem hafa tekið þátt í Gulleyjuævintýrinu með þeim þar meðtaldir eru samstarfsaðilar þeirra úr Borgarleikhúsinu, styrktaraðilar sem og listamenn og aðrir aðstandendur sýningarinnar. „Síðast en ekki síst skal leikhúsgestum þakkað fyrir vægast sagt stórkostlegar viðtökur.“
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
