Skagafjarðarrallið hefst í kvöld
Bílaklúbbur Skagafjarðar stendur fyrir rallíkeppni um helgina en fyrsti bíll verður ræstur frá plani Vörumiðlunar klukkan 19:00 í kvöld. Fyrsta sérleið verður ekin um Þverárfjall en hún hefur ekki verið keyrð í Skagafjarðarrallinu í fjölda ára.
Sérleiðir dagsins verða auk Þverárfjalls, ný leið um Laxárdal og Sauðárkrókshöfn. Til að áhorfendur geti fylgst sem best með keppninni um höfnina hefur verið bent á að fólk hefur góða yfirsýn af Nöfum fyrir ofan olíutankana.
Á morgun verður eknar sérleiðir um Mælifellsdal en þar hefur oft verið rallað og ætíð mikið gengið á. Ný leið verður reynd um Vesturdal í fyrrum Lýtingsstaðarhreppi og að endingu um Nafir fyrir ofan Sauðarkrók en sú leið verður gestakóaraleið þar sem gestir fá að sitja við hlið ökumanna. Endamark verður á plani Vörumiðlunar um kl. 15:10 en um kvöldið verður verðlaunaafhending og svo matur og ball á eftir á Mælifelli.
Þrjár skagfirskar áhafnir munu taka þátt í rallinu: Þórður Ingvason og Björn Ingi Björnsson en þeir aka á Subaru Impreza, Baldur Haraldsson ekur einnig Subaru Imprez og Aðalsteinn Símonarson frá Borgarnesi mun aðstoða hann og að endingu verður Brynjar Sverrir Guðmundsson aðstoðarökumaður hjá Sigurði Arnari Pálssyni.
Tímaáætlun má nálgast HÉR
Rásröð er hægt að nálgast HÉR
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
