Skagfirðingakvöld á Spot um næstu helgi
Laugardaginn 3. mars verður haldið hið árlega Skagfirðingakvöld á Spot skemmtistað í Kópavogi en þar munu koma fram hljómsveitin VON og Hreimur, Spútnik og Telma, Úlfur, úlfur, Hljómsveit kvöldsins sem stóð sig frábærlega í fyrra, Lame Dudes og Draugarnir sem verða með „kombakk" í fyrsta skipti í 20 ár.
Kristinn Kristjánsson betur þekktur sem Kiddi Ká er einn þeirra sem standa að Skagfirðingakvöldunum og er hann viss um góða stemningu um helgina.
„Hið árlega Skagfirðingakvöld er alltaf haldið fyrstu helgina í mars og er þetta ellefta árið í röð. Við höfum reynt að hafa dagsskrána sem fjölbreyttasta og tjalda til öllum þeim sem hafa áhuga á að taka þátt. Kvöldið á að vera eitt allsherjar "festival", og það hefur tekist hingað til“, segir Kiddi en hann fullyrðir að eitthvað verði fyrir alla á kvöldinu, kombakk frá gömlum hljómsveitum o.fl. Gestum hefur fjölgað ár frá ári en í fyrra mættu rúmlega 900 manns, „geri aðrir betur“, segir Kiddi.
„Þetta byrjaði upphaflega sem hugmynd frá honum Kristjáni Gísla og var haldið í fyrsta skipti á Players í Kópvogi árið 2001. Honum fannst vanta einhvers konar átthagamót fyrir Skagfirðinga hér á höfuðborgarsvæðinu, fyrir brottflutta sem og eftirlifendur (þá sem enn búa í Skagafirði) og langaði líka til þess að skapa vetfang fyrir skagfirska tónlistamenn. Ég hvet Skagfirðinga og nærsveitarmenn til að fjölmenna, það er ekki á hverjum degi sem maður sér, Gústa Kára og Óla "katt" saman á balli“.
Fleiri fréttir
-
Loftur frá Kálfsstöðum ein af stjörnum Íslandsmóts
feykir.is Skagafjörður, Íþróttir, Hestar, Vestur-Húnavatnssýsla, Lokað efni 30.06.2025 kl. 11.35Glæsilegu Íslandsmóti í hestaíþróttum lauk í gær með úrslitum í öllum hringvallagreinum. Á vef Landssamband hestamannafélaga, lh.is, segir: „ Það má segja að það hafi kristallast í úrslitum Íslandsmóts í dag á hversu háu stigi íþróttakeppnin er. Litlu munar á milli knapa í flestum greinum og heilt yfir frábært mót og sterk úrslit. Veðrið lék ekki við keppendur í byrjun dags en átti heldur betur eftir batna þegar leið á daginn og lauk frábæru móti í fallegu Íslensku sumarveðri.”Meira -
Verið velkomin á Sturluhátíð 12. júlí í Tjarnarlundi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.23Hin árlega Sturluhátíð, kennd við sagnaritarann mikla, Sturlu Þórðarson, verður haldin annars vegar á Staðarhóli og hins vegar í félagsheimilinu Tjarnarlundi, Saurbæ í Dölum, laugardaginn 12. júlí nk. Hátíðin hefst kl 14 á Staðarhóli, þar sem stóð bær Sturlu Þórðarsonar. Sturlunefndin hefur haft forgöngu um að setja þar upp söguskilti og hafa þau að geyma margvíslegan fróðleik sem í senn tengist sögu staðarins en umfram allt auðvitað Sturlungu.Meira -
Fiskeldi og samfélagsábyrgð | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.16Fiskeldi hefur átt mikinn þátt í þeirri endurreisn sem íbúar Vestfjarða eru að upplifa. Fiskveiðar hafa verið helsta atvinnugrein á svæðinu en þegar aflaheimildir fluttust í stórum stíl til annarra landshluta fækkaði störfum með tilheyrandi áhrifum á byggðaþróun. Frá upphafi 9. áratugarins fækkaði íbúum Vestfjarða mikið eða þangað til að viðsnúningur varð árið 2017. Óumdeilt er að fiskeldið spilar hér lykilhlutverk. Fiskeldi hefur verið mikilvægt fyrir atvinnuuppbyggingu á landsbyggðinni og er líklega ein mikilvægasta byggðaaðgerð síðustu ára.Meira -
Þemasýning um Þórdísi spákonu í Listakoti Dóru
feykir.is Austur-Húnavatnssýsla, Listir og menning, Lokað efni 30.06.2025 kl. 09.38Laugardaginn 5. júlí næstkomandi kl. 13.00 opnar Dóra Sigurðardóttir listakona áhugaverða sýningu í galleríinu sínu Listakoti Dóru á jörð sinni, Vatnsdalshólum í Húnabyggð, aðeins 2 km suður af Hringveginum. Sýningin er opin á opnunartíma Listakots Dóru, frá kl. 13–18 alla daga nema mánudaga en sýningin sjálf stendur til 20. september.Meira -
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira
