Skagfirðingar og Húnvetningar á Austurvelli
Fólk allsstaðar að af landinu safnaðist saman á Austurvelli í gær til að afhenda heilbrigðisráðherra Guðbjarti Hannessyni undirskriftarlista þar sem fólk mótmælir þeim niðurskurði sem boðaðar hafa verið af hálfu ríkisstjórnarinnar.
Sunnlendingar höfðu skipulagt mótmælin vel og komu þeir vel mannaðir og æfðir með magnaðan leikþátt sem vakti mikla athygli.
Meðal þeirra sem mættu á völlinn voru fulltrúar heilbrigðisstofnunarinnar á Blönduósi og Sauðárkróki og töluðu bæði Einar Óli Fossdal og Helga Sigurbjörnsdóttir og mótmæltu harðlega og voru þau með undirskriftir rúmlega helmings atkvæðabærra manna í Húnavatns og Skagafjarðasýslu.
Sjá mátti norðanfólk sem búsett er á höfuðborgarsvæðinu koma og sýna málinu stuðning sem sýnir að miklar tilfinningar hrærast í fólki.
Guðbjartur tók við undirskriftum u.þ.b. 20 þúsund Íslendinga og þakkaði fyrir sig og minnti fólk á að verið væri að endurreisa samfélagið og það væri sameiginlegt verkefni allra. Ekki eru þó allir sammála um að forgangsröðunin sé rétt.
Það mætti halda að veðurguðirnir hafi viljað vera með í fjörinu því litlu mátti muna að fulltrúar Skagfirðinga kæmust ekki á Austurvöllinn þar sem mikinn hvell gerði þegar bifreið þeirra rann úr Sauðárkróknum. Mikill blindbylur var á Þverárfjallsvegi svo ekki sást á milli augna eins og sagt var hér einu sinni. Var blindan svo mikil að á kafla varð maður að ganga á undan bílnum svo halda mætti förinni áfram. Við þetta tafðist hópurinn því ferðin yfir fjallveginn tók helmingi lengri tíma en á venjulegu ferðalagi. Frá Blönduósi var færið og skyggnið betra á leið suður.
Á leiðinni heim var ferðaveðrið ekki gott því skafrenningur og yfir 20 m/sek. var mest alla leiðina og ekki gott yfir Holtavörðuheiðina. Þverárfjallið var ófært og fór skagfirski hópurinn Vatnsskarðið en þar var engin fyrirstaða á veginum en alveg kolvitlaust veður og kafaldsbylur.
En heim komst hópurinn ánægður eftir góða ferð á Austurvöll og vonar að heilbrigðisráðherrann taki tillit til fólksins á landinu sem af miklum baráttuhug stendur vörð um heibrigðisstofnanir sínar.
Fleiri fréttir
-
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira -
Þurfum ekki neitt
feykir.is Skagafjörður, Listir og menning 21.07.2025 kl. 10.45Í sumar hafa Una Torfa og Hafsteinn Þráinsson, einnig þekktur sem CeaseTone, verið á músíkkölsku ferðalagi. Parið hefur marga músíkfjöruna sopið, þau hafa flakkað um landið og flutt lög í stórum sölum og litlum kirkjum, fyrir fólk á öllum aldri á blíðviðriskvöldum og í óveðri. Núna er komið að Sauðárkrókskirkju í kvöld,21 júli, kl: 20.00Meira -
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira
