Skagfirska Sveiflan í jólaskapi!
Fröken Fabjúlöss er svo sannarlega komin í jólaskap og búin að vera það seinasta mánuð eða svo. Jólaljósin eru komin upp og jólatónlistin svífur yfir vötnum á meðan smákökur eru bakaðar í gámavís.
Frökenin gerir fátt betra en að hlusta á góða jólatónlist, og finnst alveg óttalega vingjarnlegt að heyra ný jólalög. Í haust fór henni að berast það til eyrna að skagfirski sveiflukonungurinn Geirmundur Valtýsson væri að gefa út jólaplötu þetta árið og kviknaði forvitni Fab með það sama! Eftir langa bið er platan komin út og hefur hún fengið að rúlla í tækinu á meðan bakstur fer fram þetta árið.
Ekki er annað hægt að segja en að jólagírinn sé alskagfirskur á plötunni hans Geira, og hríslast um hjarta Fab ákveðin gerð af hlýju, sú gerð er Frökenin kýs að kalla hina Skagfirsku ættFjarðarást!
Geirmundur hafði greinilega samband við landslið íslenskar tónlistarmanna við gerð þessarar plötu og eru þau alveg kyngimögnuð sem syngja með honum. Í broddi fylkingar má nefna jólakúluna Helgu Möller sem hefur raulað nokkur jólalögin inn í ódauðleika í gegnum tíðina, Pál Rósinkrans og Sigríði Beinteinsdóttur sem ber ábyrgð á nokkrum ansi fallegum jólatónum! Í flestum lögum plötunnar má finna hina alræmdu sveiflu sem Geirmundur er þekktastur fyrir og þurfti Frökenin ekki að hlusta lengi áður en yfirgnæfandi þörf til að stíga dans hafði heltekið hana. Þó svo að flestöll lögin séu alveg stórskemmtileg og hafa í raun alveg sérstaka þýðingu fyrir hverja þá manneskju sem á einhvernhátt hefur Skagfirskar rætur, þá eru þau 3 lögin sem eru í uppáhaldi Fröken Fabjúlöss:
1. Hvað viltu fá í Jólagjöf?
Þetta lag syngja þau Helga Möller og Geirmundur saman í alskagfirsku stuði! Þetta lag er eitt af þessum lögum sem heyrast einusinni og fólk er raulandi það í viku á eftir, en mjög skemmtilegt!
2. Jólaljós
Þetta lag er einstaklega falleg jólaballaða sungin af Helgu Möller og féll Fröken Fabjúlöss strax fyrir þessu lagi. Miklar líkur eru á því að þetta lag komi til með að hljóma yfir aðventuna í framtíðinni!
3. Jólastelpurnar
Þetta lag er svo krúttlegt og sætt að Fröken Fabjúlöss var smámælt í viku eftir að hafa hlustað á það! Geirmundiur fékk fallegu afastelpurnar sínar til að syngja þetta lag fyrir sig og gera þær það lystilega fallega og vel! Hann Geirmundur má svo sannarlega vera stoltur af þeim og augljóst að tónlistargenið hefur gengið áfram frá honum!
Geirmundur má vera ánægður með jólaplötuna sína, þar sem Fröken Fabjúlöss veit það fyrir víst að aðrir Skagfirðingar eru það! Mun sveiflukonungurinn halda tvenna útgáfutónleika þann 8. desember í Miðgarði, fyrri tónleikarnir byrja kl 18 og seinni kl 20:30, og mun það einvalalið söngvara sem syngur á plötunni stíga á stokk með Geirmundi. Forsala miða er í Tískuhúsinu, N1 á Sauðárkóki og í KS Varmahlíð.
Við hérna í heimshorni Fabjúlössmans erum sammála því eftir nokkur rennerí á disknum að hann er hin skemmtilegasta viðbót í íslenska jólalagaflóru, lífgar upp á aðventunna og hefur sérstaka þýðingu fyrir alla þá Skagfirðinga sem dansa eftir hinni alkunnu Skagfirsku sveiflu!
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
