Skagfirskir fiðlunemendur á æfingum með Sinfóníuhljómsveit Norðurlands
Þær Guðfinna Olga Sveinsdóttir og Matthildur Kemp Guðnadóttir fiðlunemendur hjá Tónlistarskóla Skagafjarðar halda nú á nýjan leik á æfingar með Sinfóníuhljómsveit Norðurlands. Spiluðu þær með Sinfóníunni á síðasta starfsári á nokkrum tónleikum og var þeim boðin þátttaka að nýju.
Að sögn Kristínar Höllu Bergsdóttur, kennara hjá strengjadeild Tónlistarskóla Skagafjarðar, hafa þær báðar æft frá unga aldri og hefur áhugi þeirra og vinnusemi skilað þessum mikla árangri að fá að taka þátt í tónleikum sem þessum.
Næstkomandi sunnudag verða tónleikar kl. 16 í Hofi og verður þá flutt verk eftir Mozart og Haydn. Fyrst verður fluttur Forleikur að óperunni Don Giovanni eftir Mozart, þvínæst konsert í fyrir 2 horn og hljómsveit eftir Haydn og að lokum sinfónía nr. 104 eftir Haydn. Daníel Bjarnason stjórnar hljómsveitinni að þessu sinni.
„Við getum verið stolt af þessum ungu fiðluleikurum sem munu vera Skagfirðingum til sóma,“ segir Kristín Halla um þær Guðfinnu og Matthildi í samtali við Feyki.
Fleiri fréttir
-
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira -
Prjónagraffið sett upp á Blönduósi
feykir.is Austur-Húnavatnssýsla, Listir og menning, Lokað efni 23.05.2025 kl. 14.09Undirbúningur Prjónagleðinnar er í fullum gangi á öllum sviðum og má m.a. sjá þess merki í prjónagraffi sem verið er að setja upp á Blönduósi. Í frétt á Húnahorninu segir a' Prjónagraffið hafi verið sett upp árlega í tengslum við hátíðina og hafa skreytingarnar glatt heimamenn og gesti. Um er að ræða listaverk sem prjónarar í bænum hafa prjónað í gegnum tíðina.Meira -
Heiminum verður bjargað rétt fyrir ellefu á mánudagskvöldið
feykir.is Skagafjörður, Listir og menning, Lokað efni 23.05.2025 kl. 12.05Dumm, dumm, dummdumm, dumm, dumm... Já, Króksbíó sýnir nýjustu og sennilega síðustu myndina í Mission Impossible seríunni á mánudaginn. Myndin hefur undirtitilinn The Final Reckoning. Bíógestir ættu að vera búnir að koma sér fyrir með popp og kók í salnum eina sanna á slaginu átta og geta þá fylgst með Krúsaranum leggja allt í söurnar til að bjarga heiminum frá hinsta degi í boði AI.Meira
