Skelfilegar myndir af tófubitnu fé í fannferginu
Feyki hefur borist myndir af lömbum sem tófur bókstaflega átu lifandi að mati bænda sem að komu en þau voru föst í snjó í Hamraheiðinni neðan og sunnan við Mælifellshnjúk í Skagafirði. Þar má sjá að tófur hafa étið andlitin af lömbunum meðan þau gátu sig hvergi hreyft og einnig var búið að éta annað lærið af einu lambinu meðan það var lifandi.
Hér er andlitið af einu lambinu.
Guðmundur Hjálmarsson og Sæmundur Sæmundsson voru við leit á snjósleðum síðustu tvo daga ásamt fleira fólki sem var ýmist gangandi eða á fjórhjóli á beltum. Einnig hafa bændur á svæðinu verið við leit og björgun sauðfjár og hrossa.
Hér hefur lærið farið í tófukjaftinn.
„Talsvert hefur fundist af dauðu fé á svæðinu en ekki eru öll kurl komin til grafar hvað það varðar því mjög mikill snjór er í öllum giljum og skorningum bæði í Hamraheiðinni og á Mælifellsdal. Þetta fé hefur ýmist drepist í fönn eða krapaelg í lækjum og ám, að ekki sé minnst á fórnalömb tófunnar sem Melrakkasetur Íslands vill að gerð verði að Þjóðardýri Íslands, meðal annars vegna þess hve hófsöm hún er... dæmi nú hver fyrir sig. Umhverfisráðherra væri hollast að horfa vandlega á þessar myndir næst þegar hún neitar að viðurkenna stórfjölgun tófunnar á öllum landssvæðum, nema kannski við Mývatn þar sem fólk hefur staðið vaktina gegn vörgum af meiri alvöru en aðrir, hvort heldur þeir eru fiðraðir, á fjórum fótum eða sitjandi við skrifborð í Umhverfisráðuneytinu,“ segir einn leitarmanna.
Myndirnar tók Sæmundur Sæmundsson.
Eyra og fleira farið.
Hér sést bæli þar sem lamb hefur verið étið lifandi.
Merki lambs skoðað.
Guðmundur Hjálmarsson með kind í flutningum.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
