Skipulagslýsing vegna Furulundur 3-7 í Varmahlíð
Sveitarstjórn Skagafjarðar samþykkti á 48. fundi sínum þann 22. apríl 2026 að auglýsa skipulagslýsingu fyrir breytingu á aðalskipulagi og nýtt deiliskipulag fyrir Furulundur 3-7 í Varmahlíð, Skagafirði. Tillagan er sett fram sem skipulagsuppdráttur ásamt greingargerð nr. SL01, verknúmer 56293200, dags. 14.04.2026 unnin á Stoð ehf. verkfræðistofu fyrir sveitarfélagið Skagafjörð.
Furulundur í Varmahlíð er íbúðarhverfi sem liggur í stórum trjálundi, starfræktur var leikskóli í Furulundi 3 en sú starfsemi hefur verið flutt á lóð Varmahlíðarskóla við Birkimel. Á lóð nr. 5 við Furulund er annað hús í eigu sveitarfélagsins sem ekki er í notkun. Fyrir hluta lóðanna á svæðinu hefur hnitsett afmörkun ekki legið fyrir og ekkert deiliskipulag í gildi. Samhliða aðalskipulagsbreytingunni verður unnið deiliskipulag með það markmið að skilgreina lóðarmörk, byggingarreiti og skipulagsskilmála. Skipulagssvæðið er um 5.633 m² að stærð.
Skipulagslýsingarnar eru auglýstar frá 29. apríl 2026 til og með 21. maí 2026.
Hægt er að skoða lýsingarnar í Skipulagsgáttinni á www.skipulagsgatt.is undir málsnúmerunum 483/2026 og 484/2026. Skipulagslýsingarnar mun jafnframt liggja frammi til kynningar í Ráðhúsinu, Skagfirðingabraut 17-21, Sauðárkróki á skrifstofutíma frá 10-12 og 12:30-15. Einnig er hægt að nálgast gögnin á heimasíðu Skagafjarðar www.skagafjordur.is.
Þau sem telja sig eiga hagsmuna að gæta er gefinn kostur á að koma á framfæri ábendingum varðandi skipulagslýsingarnar. Umsagnir skulu vera skriflegar og berast í gegnum Skipulagsgáttina www.skipulagsgatt.is undir máli númerunum 483/2026 og 484/2026 í síðasta lagi 21. maí 2026. Einnig er hægt að skila inn umsögnum til skipulagsfulltrúa í afgreiðslu Ráðhússins, Skagfirðingabraut 17-21, 550 Sauðárkróki eða á netfangið skipulagsfulltrui@skagafjordur.is. Umsagnir um skipulagsmál sveitarfélagsins teljast til opinberra gagna. Vakin er athygli á því að nöfn og umsagnir koma fram í fundargerðum Skipulagsnefndar og eru aðgengileg opinberlega á Skipulagsgáttinni. Persónuupplýsingar eru aðeins nýttar í þeim tilgangi að vinna úr athugasemdum og auðkenna sendanda.
Fleiri fréttir
-
Dýrbítur í Austurdal
feykir.is Skagafjörður, Lokað efni 30.04.2026 kl. 13.36Bóndanum á Stekkjarflötum í Austurdal brá í bún þegar hann hugaði að lambfé við bæinn í morgun, hafði þá refur drepið eitt stálpað lamb á túninu, hlutað það í sundur og borið höfuð þess á brott.Meira -
Lýðræðisvika í FNV
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 30.04.2026 kl. 12.56Þessa dagana stendur yfir Lýðræðisvika í Fjölbrautaskóla Norðurlands vestra. Fulltrúar allra framboðsflokka í sveitarstjórnarkosningum í Skagafirði mættu í pallborðsumræður í FNV á þriðjudaginn og kynntu sín stefnumál með sérstaka áherslu á málefni sem snerta ungt fólk.Meira -
Uppistand með Dóra DNA
feykir.is Skagafjörður, Listir og menning, Mannlíf, Lokað efni 30.04.2026 kl. 12.33Það verður uppistand í Ljósheimum við Sauðárkrók helgina eftir sveitarstjórnarkosningar en þá hyggst Dóri DNA mæta til leiks með gamansýninguna Feita hjartað. „Í sýningunni Feita hjartað kafar Dóri ofan í kviku tilverunnar og skoðar sjálfan sig að innan. Þar er margt að finna sem gaman er að segja frá og enn meira gaman að hlusta á,“ segir í kynningu á uppistandinuMeira -
Sólrún Silfá vann Morgunblaðsskeifuna
feykir.is Skagafjörður, Íþróttir 30.04.2026 kl. 10.55Skeifudagurinn, einn hápunktur skólaársins hjá Landbúnaðarháskóla Íslands á Hvanneyri fór fram á sumardaginn fyrsta. „Dagurinn einkenndist af mikilli gleði, góðri reiðmennsku og fjölmenni bæði á Mið-Fossum og á Hvanneyri. Dagskráin hófst með hefðbundnum hætti á Mið-Fossum þar sem fánareið og opnunarávarp Eyjólfs Guðmundssonar deildarforseta settu tóninn. Það var svo sérstakur heiður að Frú Halla Tómasdóttir setti daginn formlega að þessu sinni. Í kjölfarið fylgdi fjölbreytt dagskrá þar sem nemendur sýndu afrakstur vetrarins,“ segir í tilkynningu frá Lbhi.Meira
