Skoða Alexandersflugvöll sem mögulega útstöð flugkennslu
Skagfirðingar hafa óneitanlega orðið varir við aukna flugumferð á Alexandersflugvelli á Sauðárkróki undanfarna daga þar sem litlar flugvélar taka á loft og lenda í sífellu. Þarna er um kennsluvélar að ræða frá Flugskólanum Keili en verið er að kanna aðstæður með hugsanlega útstöð skólans í Skagafirði í framtíðinni.
Arnbjörn Ólason, markaðsstjóri Keilis, segir að 14 kennsluvélar séu í notkun hjá skólanum og gríðarlegur áhugi á atvinnuflugmannsnámi bæði meðal Íslendinga og erlendra nemenda en á sama tíma eru þrengingar á Keflavíkurflugvelli vegna aukins millilandaflugs. „Þannig að við erum að skoða ýmsa möguleika í framhaldinu fyrir okkur til þess að geta flogið ennþá meira og erum því að skoða það að setja útstöð á Sauðárkróki. Til að byrja með er þetta tilraunaverkefni en sjáum fyrir okkur að næsta vor og sumar gætum við farið að fljúga dag og nótt og þá verið með nokkrar vélar meðan viðrar vel til flugs.“
Hugmyndin er að Keilir og Fjölbrautaskóli Norðurlands vestra vinni að þessu verkefni í samvinnu og segir Þorkell V. Þorsteinsson, skólameistari FNV, að skólinn muni m.a. koma að því að hýsa nemendur og kennara ef þetta verður ofan á. „Það er samt ekki búið að semja um neitt slíkt ennþá en alveg möguleiki á frekara samstarfi,“ segir Þorkell og ef þetta festir rætur gæti fólk hugsanlega komið og tekið flugtímana í FNV.
Nánar er rætt við þá Arnbjörn og Þorkel í nýprentuðum Feyki sem kemur út í dag.
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira -
Opið hús í Oddfellowhúsinu á Sauðárkróki á laugardaginn
feykir.is Skagafjörður, Aðsendar greinar 25.04.2025 kl. 12.21Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.