Skruðningar og skriðufall í Móafellshyrnu
Stór skriða féll úr Móafellshyrnu, í Fljótum klukkan 12:30 fimmtudaginn 20. september. Skriðan átti upptök sín ofarlega í fjallinu í minni Móafellsdals að austanverðu. Að sögn heimamanna á Þrasastöðum urðu þau vör við mikla skruðninga úr fjallinu um klukkan 12:30 og sáu rykmökk stíga upp ofarlega í fjallinu.
Líklega hefur skjálftavirknin úti fyrir norðurlandi undafarna daga og sú mikla úrkoma sem fallið hefur verið megin orsakavaldur hrunsins. Mynd: Þorsteinn Sæmundsson
Skruðningar og hrun héldu síðan áfram í allt að einn og hálfan tíma eftir að þau urðu fyrst vör við skriðuna. Að sögn Dr. Þorsteins Sæmundssonar forstöðumanns Náttúrustofu Norðurlands vestra sem fór að skoða ummerki skriðunnar í gær, er skriðan í stærri kantinum og ákaflega áberandi í snjóhvítum hlíðum fallsins. Upptök skriðunnar eru í klettabelti ofarlega í fjallinu, en þar hefur hluti klettabeltisins fallið niður á lítinn hjalla og steypst fram af honum og niður hlíð fjallsins. Skriðan endaði niður við Galtará en náði þó ekki að stífla hana.
Heimamenn á Þrasastöðum urðu vör við mikla skruðninga úr fjallinu um klukkan 12:30 og sáu rykmökk stíga upp ofarlega í fjallinu. Mynd: Þorsteinn Sæmundsson
Um orsakir fyrir skriðufallinu segir Þorsteinn að líklega hefur skjálftavirknin úti fyrir norðurlandi undafarna daga og sú mikla úrkoma sem fallið hefur verið megin orsakavaldur hrunsins. Snarpur jarðskjálftakippur hafi orðið um klukkan 9 um morguninn og fundu ábúendur á Þrasastöðum fyrir honum. Þorsteinn vill beina þeim tilmælum til þeirra sem ætla sér að skoða skriðuna að vera alls ekki á ferð undir skriðuörinu því búast megi við því að það hrynji meira úr því.
Svona leit Móafellshyrnan út á góðum sumardegi er Guðbrandur Þorkell Guðbrandsson átti leið um Fljótin en hann er myndasmiðurinn.
Fleiri fréttir
-
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira -
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira
