Snæfellingar sendu Stólana stigalausa heim
Snæfell og Tindastóll áttust við í Hólminum í gærkvöldi en hlutskipti liðanna það sem af er tímabilinu er æði ólíkt, Snæfellingar efstir en Stólarnir neðstir. Það var reyndar engan veginn hægt að merkja þetta í leiknum en eins og oft áður voru Tindastólsmenn að leika ágætlega fram í fjórða leikhluta en þá kom slæmi kaflinn og leikurinn tapaðist. Lokatölur í gærkvöldi 86-76.
Tindastólsmenn voru sprækir sem lækir í upphafi leiks, komust í 14-7 um miðjan fyrsta leikhluta og í 30-19 snemma í öðrum leikhluta. Allir leikmenn Stólanna sem við sögu komu voru að láta til sín taka og stigaskorið dreifðist ágætlega á mannskapinn. Tindastóll hafði forystu nánast allan fyrri hálfleikinn en í stöðunni 34-39, og fjórar mínútur til leikhlés, kom kafli alveg fram að hálfleik þar sem Stólarnir skoruðu ekki eitt einasta stig. Varnir beggja liða héldu reyndar vel á þessum kafla en Snæfellingar potuðu sér engu að síður fram úr og staðan 41-39 í hálfleik.
Þriðji leikhluti var æsispennandi og skiptust liðin á um að hafa forystuna. Þegar fjórði leikhluti hófst voru Stólarnir stigi yfir, 65-66. Heimamenn komust í 70-66 en Arnar og Svabbi jöfnuðu metin, 70-70. Næstu fjórar mínúturnar þar á eftir gerðu Stólarnir ekki eitt einasta stig, reyndu talsvert af 3ja stiga skotum sem skiluðu sér ekki heim, en Snæfellingum gekk betur og þeir gerðu 10 stig á þessum kafla, og kláruð leikinn. Stólarnir reyndu hvað þeir gátu og minnkuðu muninn í 82-76 þegar ein og hálf mínúta var eftir en heimamenn voru sterkari á lokakaflanum og kláruðu leikinn 86-76.
Ekki kræktu Stólarnir því í fyrstu stigin í Dominos-deildinni í gærkvöldi en liðið hefur nú tapað öllum sex deildarleikjunum á þessum frekar undarlega körfuboltavetri en unnið alla fimm leiki sína í Lengjubikarnum.
Drew Gibson var atkvæðamestur Tindastólsmanna í gær en hann gerði 24 stig, tók 7 fráköst og átti 8 stoðsendingar. Valentine gerði 16 stig og hirti 10 fráköst. Stólarnir áttu aðeins 36 skot innan teigs en tóku 31 3ja stiga skot í leiknum.
Stig Tindastóls: Gibson 24, Valentine 16, Þröstur Leó 10, Helgi Rafn 8, Svabbi 7, Ingvi 3, Helgi Freyr 3, Hreinsi 3 og Arnar 2.
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
