Snjóflóð í kjölfar óveðursins í byrjun nóvember
Þó nokkur snjóflóð hafa fallið í Skagafirði í óveðrinu í byrjun nóvember og hafa starfsmenn Veðurstofu Íslands haft í nógu að snúast með að skrásetja og mæla útlínur þeirra. Snjóflóð féll úr svonefndri Úlfskál sem liggur fyrir ofan Sleitustaði í mynni Kolbeinsdals og Hjaltadals líklega aðfaranótt sunnudags 4. nóvember. Gestur Hansson snjóeftirlitsmaður Veðurstofunnar fór ásamt Þorsteini Sæmundssyni forstöðumanni Náttúrustofu Norðurlands vestra að mæla flóðið og skoða ummerki þess.
Flóðið er talið hafa átt upptök sín efst í Úlfskál í um 900 m hæð, fallið niður aurkeiluna og niður á ræktuð tún. Að sögn Þorvaldar G. Óskarssonar ábúenda var flóðið með þeim lengri sem fallið hafa á þessu svæði og dreifði það vel úr sér. Flóðið braut niður hlaðinn stífluvegg uppistöðulóns rafstöðvar sem byggð var árið 1947 og eyðilagði girðingar og olli því verulegu tjóni. Á leið sinni hefur flóðið rofið undirlag sitt og flutt mikið magn af torfi og grjóti með sér. Að sögn Þorsteins hefur flóðið verið frekar þurrt en mjög kraftmikið. Til marks um kraft þess flutti það stóran stein sem stóð í um 160 m hæð á aurkeilunni og bar hann með sér alla vega 300 m. Þorsteinn segir að þessi steinn, sem er allt að fjórir og hálfur metri á lengd og vegur líkleg um 60 tonn, sé einn af þeim stærstu steinum sem vitað er um með vissu að snjóflóð hafi borið með sér. Í snjóflóðahrynunni í október 1995 bar snjóflóð sem féll í botni Dýrafjarðar með sér grjót sem var um 35 tonn að þyngd og er þessi steinn því mun stærri en hann. Að sögn Þorsteins verða ummerki snjóflóðsins kortlögð næsta sumar, en á náttúrustofunni hafa farið fram rannsóknir á jarðfræðilegum ummerkjum snjóflóða um árabil.
Þorsteinn segir að kraftur snjóflóða sé gríðarlegur og þurfa flóðin ekki að vera stór til að vera hættuleg mönnum. Hann vill því beina því til fólks sem er á ferð í fjallendi, ekki síst snjósleðamanna og rjúpnaveiðimanna að hafa gætur á sér, sér í lagi í kjölfar óveðurs líkt og var um síðustu helgi og eins og spáð er næstu daga.
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
