Sögusetur íslenska hestsins í nýtt húsnæði
Sögusetur íslenska hestsins á Hólum í Hjaltadal flutti í nýuppgert húsnæði og opnaði fyrsta áfanga af þremur í yfirlitssýningunni, Íslenski hesturinn og myndbands- og ljósmyndasýninguna, Hesturinn í náttúru Íslands, laugardaginn 14. ágúst. Katrín Jakobsdóttir menningar- og menntamálaráðherra opnaði sýningarnar og hr. Jón Aðalsteinn Baldvinsson Hólabiskup blessaði húsið.
Þá tóku fjölmargir aðrir til máls s.s. Arna Björg Bjarnadóttir forstöðumaður Sögusetursins, Þorvaldur Kristjánsson formaður Hollvinasamtaka Sögusetursins, Bjarni Jónsson forseti sveitastjórnar Skagafjarðar og Skúli Skúlason rektor Hólaskóla. Þá færði Sigurður Sigmundsson hestaljósmyndari Sögusetrinu og Eiðfaxa ljósmyndasafn sitt að gjöf. Sögusetrið sem er alþjóðleg miðstöð þekkingar og fræðslu um sögu íslenska hestsins vinnur m.a. að skönnun og skráningu ljósmynda.
Fjölmennt var á opnunarhátíðinni og í tilefni hennar var Sögusetrið opið til klukkan 22 um kvöldið. Sýningarnar hlutu mikið lof gesta og sömuleiðis endurgerðin á húsnæðinu sem virðist hafa tekist afar vel. Upphaflega var húsið byggt sem hesthús, hlaða og geymsla árið 1931 en hefur gegnt ýmsum hlutverkum síðan. Sögusetrið verður opið alla daga í ágúst frá kl. 10 til 18 og eftir samkomulagi á öðrum tímum.
Fleiri fréttir
-
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira -
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.