„Spörkuðum aðeins í rassgatið á okkur,“ segir Axel Kára – Fjórði leikur Tindastóls og ÍR í kvöld
Þá er komið að fjórða leik Tindastóls og ÍR í undanúrslitum Domino´s deildar í körfubolta en leikið er í Síkinu á Sauðárkróki klukkan 19.15. Stólarnir leiða einvígið 2-1 og með sigri i kvöld tryggja þeir sig í úrslitin á móti annað hvort Haukum eða KR. Feykir hafði samband við Axel Kára fyrr í dag, sem segir leikinn verða skemmtilegan nái þeir að finna sömu grimmdina og á miðvikudaginn.
Axel var nýkominn úr vitjun á kúabúi er Feykir náði tali af honum rétt eftir hádegið í dag. Hafði hann verið að fangskoða tvær kýr og meðhöndla eina með júgurbólgu. „Það er ágætt að taka eina vitjun eftir hádegi á leikdegi,“ segir en hann vinnur hjá Dýralæknaþjónustunni í Glæsibæ.
„Mér líst nú bara mjög vel á leikinn ef við náum að halda sama tempói, sömu stemningunni og sömu grimmdinni og á miðvikudaginn. Þá ætti þetta að verða mjög skemmtilegur leikur og gaman að spila.“
Það var mikill munur á tveimur síðstu leikjum, hvað varnarleikurinn var mun betri sl. miðvikudag er Stólarnir náðu að knýja fram sigur á útivelli. Axel fór ekki varhluta af því þar sem hann átti hörkuleik.
„Já, við spörkuðum aðeins í rassgatið á okkur eftir leikinn hér heima og svöruðum býsna vel fannst mér. Við erum nú bara mannlegir og oft gengur þetta í bylgjum, hvernig maður nær að koma stemmdur í leiki. En maður lærir af mistökum og þá ættum við að vita hvernig við eigum að koma í kvöld. Getum borið saman þessa tvo síðustu leiki.“
Liðið hefur notið stuðning fjölmargra áhorfenda, ekki síst á útivelli og segir Axel hann vera afar mikilvægan og gefa liðinu auka kraft.
„Það erskemmtilegt þegar maður heyrir okkar fólk svara hinum stuðningsmönnunum. Það gefur manni smá nítrópúst. Svo er náttúrulega gaman þegar maður þekkir einhverja í stúkunni á útivelli.“
Hvern er erfiðast að dekka í ÍR liðinu?
„Það er erfiðast að dekka ÍR-inginn sem er að fara í sóknarfrákastið. Þeir eru alver gríðarlega öflugir í því, miklir baráttuhundar. Sem lið er það sennilega eitt það besta við það finnst mér, ef maður reynir að stíga út fyrir og horfa á það hlutlaust. Þeir reyna allir að fara i sóknarfráköstin og lausa bolta,“ segir Axel sem vonar eftir góðum stuðningi í kvöld.
Á Facebooksíðu körfuboltadeildar segir að grillborgararnir verði að sjálfssögðu á sínum stað. Forsala á miðum í sjoppunni og einnig verða stuðningsmannabolir seldir, stæðrir S-XXXL á 1.500,- kr frá 16.30 og eru stuðningsmenn hvattir til að nýta sér það.
Fleiri fréttir
-
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira -
Undirskriftasöfnun vegna fyrirhugaðs tjaldsvæðis við Sauðárgil
feykir.is Skagafjörður, Mannlíf 15.04.2024 kl. 09.00Um miðjan mars auglýsti skipulagsfulltrúi Skagafjarðar tillögu að breytingu á aðalskipulagi vegna nýs tjaldsvæðis við Sauðárgil á Sauðárkróki. Staðsetning tjafldsvæðis á Króknum hefur löngum verið bitbein íbúa og lengi verið leitað að hentugri staðsetningu. Tjaldsvæðið við sundlaugina verður senn að víkja vegna byggingar væntanlegs menningarhúss sunnan Safnahúss Skagfirðinga en tillaga um að gera tjaldsvæði við Sauðárgil, norðan Hlíðarhverfis, er umdeild. Hefur nú verið sett af stað undirskriftasöfnun á Ísland.is þar sem hægt er að mótmæla fyrirhuguðum breytingum.Meira -
List á ferð / Art travels
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Listir og menning 15.04.2024 kl. 08.50Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari. Þannig höfum við betri stuðningskerfi almennt sem leiðir til betri heilsufars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.