Sproti ársins hjá ferðaþjónustunni á Norðurlandi er 1238: Battle of Iceland
1238: Battle of Iceland á Sauðárkróki hlaut viðurkenninguna Sproti ársins á uppskeruhátíð ferðaþjónustunnar á Norðurlandi sem fram fór á Á Kaffi Rauðku á Siglufirði en viðurkenningin er veitt ungu fyrirtæki sem hefur skapað eftirtektarverða nýjung í ferðaþjónustu á Norðurlandi. Á heimasíðu Markaðsstofu Norðurlands segir að loksins hafi komið að því að hægt væri að halda uppskeruhátíð að nýju, en engin var haldin árið 2020 vegna heimsfaraldurs.
Samkvæmt venju var fyrirtækjum veittar viðurkenningar fyrir sín störf. SBA Norðurleið varð fyrir valinu sem fyrirtæki ársins 2021. Þessa viðurkenningu fá fyrirtæki sem hafa skapað sér sterka stöðu á markaði og hafa unnið að uppbyggingu, vöruþróun og nýsköpun í ferðaþjónustu á Norðurlandi.
Viðurkenningu fyrir störf í þágu ferðaþjónustu hlaut Linda María Ásgeirsdóttir í Hrísey. Sú viðurkenning er veitt einstaklingi sem hefur haft góð áhrif á ferðaþjónustu á Norðurlandi í heild sinni og hefur starfað beint eða óbeint fyrir ferðaþjónustu á svæðinu.
Í ár var ákveðið að bæta fjórðu viðurkenningunni við, Hvatningarverðlaun ársins 2021, og voru veitt Fairytale at Sea. Fyrirtækið var stofnað árið 2018 og býður upp á þjónustu sem byggir vel undir ímynd Norðurlands og er orðið þekkt meðal innlendra og erlendra ferðamanna fyrir einstaka upplifun.
En Sproti ársins kom í hlut 1238: Battle of Iceland sem stofnað var árið 2019. „Sýningin, og hennar frumlega og nýstárlega miðlun á sögu Sturlungaaldarinnar hefur fengið afar góðar móttökur frá opnun 2019 og viðurkenning sem þessi er kærkomin hvatning til að halda ótrauð áfram á þeirri vegferð sem við erum á,“ er haft eftir Áskeli Heiðari Ásgeirssyni, framkvæmdastjóra 1238, á Facebooksíðu fyrirtækisins.
Í greinargerð verðlaunanna kemur fram að fyrirtækið bjóði upp á frábæra aðstöðu fyrir bæði minni og stærri hópa. „Sögusetrið 1238 er gagnvirk sýning sem færir viðskiptavini nær sögulegum stóratburðum en hefðbundnar fræðslusýningar. Með hjálp nýjustu tækni í miðlun og sýndarveruleika er þeim boðið að taka þátt í átakamestu atburðum Íslandssögunnar og beinlínis stíga inn í sögu Sturlungaaldar. Fyrirtækið hefur sýnt mikinn metnað í stafrænni markaðssetningu og verið mjög sýnilegt á öllum helstu boðleiðum. Í fyrra þurfti fyrirtækið að aðlaga þá markaðssetningu í meiri mæli að Íslendingum og tókst það vel. Sýningin hefur fyrir vikið vakið mikla athygli innanlands en einnig á erlendum mörkuðum. Þetta starf ýtir undir uppbyggingu á öflugri ferðaþjónustu í Skagafirði allt árið og vekur athygli bæði á nærsvæði fyrirtækisins en einnig Norðurlandi öllu.“
Sjá nánar HÉR
Fleiri fréttir
-
Fraktsiglingar milli norðurs og suðurs í uppnámi
feykir.is Skagafjörður, Fréttir, Lokað efni 15.07.2025 kl. 13.53Eimskip hættir á næstunni strandsiglingum til hafna á Vestfjörðum og Norðurlandi. Þetta gerist jafnhliða því að starfsemi kísilverksmiðju PCC á Bakka við Húsavík stöðvast, að minnsta kosti tímabundið, nú síðar í sumar.Meira -
Alls urðu 35 af 131 frumvarpi að lögum
feykir.is Skagafjörður, Austur-Húnavatnssýsla, Vestur-Húnavatnssýsla 15.07.2025 kl. 10.36Þá eru þingmenn loks komnir í sumarfrí en eftir að forseti Alþingis virkjaði kjarnorkuákvæðið sl. föstudag var samið um þinglok og var þingfundum 156. löggjafarþings því frestað í gær, þann 14. júlí. Þingið var að störfum frá 4. febrúar til 14. júlí 2026. Á síðasta degi var veiðigjaldafrumvarp Hönnu Katrínar atvinnuvegaráðherra loks samþykkt en um það hefur staðið mikill styr eins og hefur sennilega ekki farið framhjá nokkrum manni.Meira -
HÚNAVAKA : Verðlauna sviðasulta frá SAH og sinnep
feykir.is Austur-Húnavatnssýsla, Listir og menning, Lokað efni 15.07.2025 kl. 08.52Feykir plataði Héðinn Sigurðsson til að svara nokkrum laufléttum spurningum varðandi Húnavökuna en hann mætir til leiks í einu auglýstra atriða bæjarhátíðarinnar. Héðinn býr í Kringlunni/Melabraut í Reykjavík fyrir sunnan og starfar sem heimilislæknir.Meira -
Vakin er athygli á að opið er fyrir umsóknir um styrki úr Samfélagssjóði Landsvirkjunar til 31. júlí
feykir.is Skagafjörður, Austur-Húnavatnssýsla, Vestur-Húnavatnssýsla 15.07.2025 kl. 08.35Samfélagssjóður úthlutar að hámarki 12 milljónum króna í þremur úthlutunum. Að jafnaði eru styrkir á bilinu 100 til 500 þúsund og aldrei hærri en ein milljón króna. Stefna sjóðsins er að styðja verkefni sem hafa breiða samfélagslega skírskotun og lögð er sérstök áhersla á verkefni sem hafa jákvæð áhrif á nærsamfélag fyrirtækisins, sem landshlutinn okkar sannarlega er. Tekið er á móti umsóknum allt árið en úthlutað er úr sjóðnum þrisvar sinnum á ári.Meira -
Það er mikill uppgangur í Golfklúbbi Skagafjarðar
feykir.is Skagafjörður, Íþróttir, Lokað efni 14.07.2025 kl. 14.55Meistaramót GSS 2025 fór fram dagana 7.-12. júlí á Hlíðarendavelli. Metþátttaka var í meistaramótinu en 30% klúbbfélaga voru skráðir til leiks eða samtals 103 kylfingar. Meistaramótið er fyrir alla félagsmenn GSS, flokkar við allra hæfi. Í barna og unglingaflokkum voru 29 þátttakendur sem léku í 4 flokkum en þátttakendur í fullorðinsflokkum voru 74 sem léku í 8 flokkum.Meira
