Stefnt að eflingu starfsstöðvar Íbúðalánasjóðs á Sauðárkróki
Eins og fram kom í aðsendri grein á Feyki.is í fyrradag, eftir þá Stefán Vagn Stefánsson, formann byggðaráðs Svf. Skagafjarðar, og Matthías Imsland, aðstoðarmann velferðarráðherra, hefur verkefnastjórn um framtíðarskipan húsnæðismála skilað niður stöðum vinnu sinnar. Vonast greinarhöfundar til að hægt verði að efla starfsemi sjóðsins á Sauðárkróki og fjölga þar störfum.
Meðal tillagna verkefnastjórnarinnar er að Íbúðalánasjóði verði breytt varanlega og verkefnum hans skipt upp. Í grein Stefáns og Matthías er sérstaklega fjallað um starfsstöð sjóðsins á Sauðárkróki og að sú mikla reynsla og þekking sem þar er fyrir hendi sé grunnur sem byggja megi á til framtíðar.
Í samtali við Feyki í gærdag sagði Matthías að í framhaldi af vinnu starfshópsins yrði nú farið í þá vinnu að ákveða hvernig framtíð sjóðsins yrði háttað. Matthías vitnaði í niðurstöður verkefnastjórnarinnar og stjórnarsáttmála ríkisstjórnarinnar, þar sem kveðið er á um að vernda skuli og efla störf á landsbyggðinni. „Það sem hefur líka komið fram er að Norðvesturkjördæmi, og alveg sérstaklega Sauðárkrókur, missti á síðasta kjörtímabili mikið af opinberum störfum sem fyrri ríkisstjórn flutti frá Skagafirði, sagði Matthías.
„Þarna erum við að tala um að þurfi að snúa þessari þróun við og frekar að byggja starfsstöðina upp og efla hana og mögulega fjölga störfum þarna,“ sagði Matthías og bætti við mikilvægt væri að áfram yrði gott samstarf milli stjórnvalda og sveitarstjórnar um málið. „Við erum að horfa til þess og vonast til að þarna verði hægt að fjölga störfum,“ sagði hann að lokum.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
