Stelpurnar með seiglusigur gegn Vestra
Stólastúlkur brunuðu á Ísafjörð í gær þar sem þær léku við lið Vestra í 1. deild kvenna. Lið Ísfirðinga hafði aðeins hlotið tvö stig í leikjum vetrarins en lið Tindastóls hafði unnið fimm leiki af14. Raunar höfðu þær vestfirsku unnið annan leikinn í svokölluðum tvíhöfða hér á Króknum sl. haust en í kjölfar kófsins var leikjum í 1. deild kvenna fækkað og úrslitin í leiknum sem Vestri vann strikuð út. Þær voru því æstar í að næla í glötuðu stigin tvö en frábær tíu mínútna kafli Tindastóls seint í leiknum skóp fínan sigur gestanna. Lokatölur 64–73.
Leikurinn var jafna og spennandi í fyrri hálfleik en lið Tindastóls var skrefi á undan í fyrsta leikhluta og var yfir 10–13 að honum loknum. Olivia Crawford spýtti í lófana í öðrum leikhluta en hún var allt í öllu í leik Vestra, endaði með 40 stig. Inga Sólveig og Marín Lind var aðsópsmiklar í liði Tindastóls í fyrri hálfleik en staðan í hálfleik var 29-24 heimastúlkum í vil.
Það var mikið flautað í leiknum og villurnar hrönnuðust upp á heimastúlkur sem pressuðu ótt og títt. Þrjár stúlkur í liði Vestra voru komnar með fjórar villur eftir 25 mínútna leik en þá hafði lið Vestra náð tíu stiga forystu, 43-33, og staðan erfið fyrir gestina sem snéru nú bökum saman og hófu að saxa á forskot heimastúlkna. Það var þó skellur þegar Inga Sólveig fékk sínar fjórðu og fimmtu villur á örskömmum tíma þegar tæpar tvær mínútur voru eftir af þriðja leikhluta. Þá steig Eva Wium upp en hún hafði lítið skorað fram að því fyrir Stólastúlkur.
Lið Tindastóls jafnaði leikinn, 52-52, áður en lokaátökin hófust og fyrstu tvær mínútur fjórða leikhluta gekk hvorki né rak hjá báðum liðum. Hafdís braut ísinn fyrir Stólana, setti niður skot og fékk víti að auki sem hún setti niður. Í kjölfarið fylgdu þristar frá Evu, Berglindi og Marín og nokkur stig til viðbótar því Tindastóll náði 16-0 kafla og kláraði nánast leikinn. Staðan 52–68. Fyrsta stig Vestra kom eftir rúmlega fimm mínútna leik í loka leikhlutanum og það reyndist ekki ýkja flókið fyrir lið Tindastóls að sigla sigrinum í höfn.
Góður sigur og það ekki síst þar sem í lið Tindastóls vantaði nokkra leikmenn, þ.m.t. Evu Rún og Karenu Lind. Marín Lind átti frábæran leik og endaði með 25 stig, Eva Wium hafði hægt um sig framan af en endaði með 17 stig og þá átti Inga Sólveig góðan leik, gerði 11 stig og hirti fjöldann af fráköstum, en var örugglega ósátt við að fá fimm villur þetta snemma leiks.
Stólastúlkur eiga eftir tvo leiki í deildarkeppninni, gegn liði Ármanns hér heima á þriðjudag en síðasti leikurinn er gegn Fjölni b þann 8. mars fyrir sunnan. Lið Tindastóls er nú í fjórða til sjötta sæti í deildinni. Ef blaðamaður skilur rétt þá er átta liða úrslitakeppni í 1. deildinni og því slatti af körfubolta sem enn er eftir að spila.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.