Stjórnmál eru ekki fótbolti
Það hefur verið sagt um stuðningsmenn liða í enska boltanum að það sé líklegra að þeir skipti um maka á lífsleiðinni en að þeir skipti um lið. Þeir sem halda með Liverpool halda tryggð við Liverpool, sama á hverju gengur. Sama gildir um stuðningsmenn Man Utd., Arsenal og fleiri liða.
Það er hins vegar annað upp á teningnum í stjórnmálum. Fólk er óhrætt við að breyta til og kjósa aðra flokka. Þannig á það líka að vera. Flokkarnir eru til fyrir fólkið, en ekki öfugt. Nú er komið að kosningum til sveitarstjórna og margir farnir að velta fyrir sér hverjum sé best treystandi fyrir stjórn sveitarfélagsins næstu fjögur árin. Framboðslistarnir liggja fyrir og flestir renna augum yfir þrjá efstu á hverjum lista og spyrja sig þessara spurninga: Get ég treyst þessari manneskju? Er hún líkleg til að vera leiðtogi og drífa fólk áfram? Er þetta framkvæmdamanneskja eða vill hún kannski frekar nota kraftana í þras? Er hún líkleg til að vera góð í samvinnu, til að vinna fyrir okkur kjósendur að góðum málum? Í raun eru þetta sömu spurningar og eigandi fyrirtækis spyr sig þegar hann ræður framkvæmdastjóra, eða þegar valið er í stjórn fyrirtækis.
Hvaða manneskjur munu færa okkur áfram og stuðla að vexti í sveitarfélaginu? Til hverra er hægt að leita þegar vandamál koma upp?
Kosningar til sveitarstjórna snúast um fólk en ekki flokka. Stefnuskrár flokkana eru keimlíkar. Spurningin er hvaða fólki við treystum til góðra verka. Í kosningunum er ekki persónukjör heldur setja kjósendur x við einn framboðslista. Þess vegna þurfa þeir að fara vel yfir lista flokkanna og spyrja sig spurninganna hér að ofan fyrir frambjóðendur listanna.
Stjórnmál eru ekki fótbolti. Þú styður alltaf gamla liðið þitt í enska boltanum, en í kosningum kýst þú þá sem þú treystir best til að stjórna næstu fjögur árin.
Kristján Bjarni Halldórsson
Stjórnmálaspekúlant
Fleiri fréttir
-
Bíósýningar næstu daga
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 08.55Eins og flestir vita þá er Sæluvika Skagfirðinga í fullum gangi og mjög margir viðburðir búnir að vera á dagskrá sl. daga. En nú eru aðeins nokkrir dagar eftir og ennþá margt sem hægt er að gera og sjá. Auglýsing fyrir Bíósýningar vikunnar rataði ekki í Sjónhornið og viljum við vekja athygli á því að það eru tvær bíósýningar núna á næstu dögum, barnamyndin SNEAKS: Strigaskór í stórborginni verður sýnd sunnudaginn 4. maí kl. 15:00 (m. ísl.tali) og svo er það myndin SINNERS sem verður sýnd mánudaginn 5. maí kl. 20:00 og er hún bönnuð innan 16 ára. Þeir sem vilja panta miða á myndirnar er bent á að senda skilaboð á Facebook-síðu Króksbíós eða hringja í síma 855-5216, tveimur tímum fyrir sýningu.Meira -
Tveir Íslandsmeistaratitlar til Tindastóls
feykir.is Skagafjörður, Íþróttir, Lokað efni 02.05.2025 kl. 08.54Meistaramót Íslands fór fram í húsnæði TBR við Gnoðarvog dagana 24.-26. apríl. Tindastóll sendi tvo keppandur til leiks, Emmu Katrínu Helgadóttur, sem keppti í 1. deild og Júlíu Marín Helgadóttur sem keppti í 2. deild.Meira -
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.