Stofutónleikar Heimilisiðnaðarsafnsins á Blönduósi
Sunnudaginn 30. júlí klukkan 15:00 heldur Jazztríó Sigurdísar Söndru Tryggvadóttur stofutónleika í Heimilisiðnaðarsafninu á Blönduósi. Tríóið leikur tónsmíðar og útsetningar eftir Sigurdísi í bland við annað efni. Á efnisskránni eru meðal annars lög samin við ljóð eftir Jónas Tryggvason frá Finnstungu.
Sigurdís stundaði nám við Tónlistarskóla Austur-Húnavatnssýslu. Hún útskrifaðist af listnámsbraut frá Menntaskólanum á Akureyri og er með framhaldspróf í klassískum píanóleik frá Tónlistarskólanum á Akureyri. Síðastliðið vor útskrifaðist hún úr Tónlistarskóla FÍH með burtfararpróf í rytmískum píanóleik og kennarapróf. Í haust hefur Sigurdís háskólanám í jazzpíanóleik við Tónlistarskólann í Odense í Danmörku.
Með Sigurdísi spila Ævar Örn Sigurðsson á kontrabassa og Skúli Gíslason á trommur, báðir útskrifaðir frá Tónlistarskóla FÍH og virkir þátttakendur í tónlistarsenunni á Íslandi. Aðgangseyrir safnsins gildir og eftir tónleikana verður gestum boðið upp á kaffi og tilheyrandi.
/Fréttatilkynning
Fleiri fréttir
-
Met þátttaka á Umhverfisdegi Fisk Seafood
feykir.is Skagafjörður, Mannlíf 09.05.2025 kl. 09.29Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.Meira -
Blóðbankabíllinn verður á Króknum nk. þriðjudag
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 08.41Nú er Blóðbankabíllinn á ferðinni og ætlar að stoppa á Króknum þriðjudaginn 13. maí milli kl. 11-17 í þeim tilgangi að safna blóði. Ávallt skortir blóð fyrir sjúklinga og slasaða og á Facebooksíðu Blóðbankans kemur fram að skortur sé á blóði í öllum blóðflokkum þá sérstaklega O+, O-, A+ og A-. Því er mikilvægt að sem flestir gefi blóð. Blóðbankinn, sem þarf 70 blóðgjafa á dag, vonast til að sjá sem flesta og eru allir velkomnir, jafnt nýir sem vanir blóðgjafar. Bíllinn verður staðsettur við Skagfirðingabúð á Sauðárkróki.Meira -
Ótrúlegur lokakafli færði Stólunum sigur í leik eitt
feykir.is Skagafjörður, Íþróttir, Lokað efni 09.05.2025 kl. 02.10Ef einhverntímann Síkið hefur sótt sigur fyrir lið Tindastóls þá var það í gærkvöldi. Þá tóku Stólarnir á móti grjóthörðum Garðbæingum í fyrsta leik úrslitaseríunnar um Íslandsmeistaratitilinn. Lið Tindastóls virtist í hálf vonlausri stöðu þegar lítið var eftir af leiknum en það var ekki að sjá að nokkur maður á pöllunum hengdi haus. Stuðningurinn var óbilandi og virtist hreinlega smitast í leikmenn okkar liðs sem gerði átta síðustu stig leiksins á 36 síðustu sekúndunum. Það dugði til sigurs, 93-90, og hafa Stólarnir því náð 1-0 forystu í einvíginu.Meira -
Íslandsmeistarar Blika höfðu betur gegn Stólastúlkum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 23.58Bestu deildar lið Tindastóls fékk Íslandsmeistara Breiðabliks í heimsókn á Krókinn í dag í 5. umferð deildarinnar. Það mátti reikna með erfiðum leik en Stólastúlkur náðu engu að síður forystunni í leiknum. Blikar voru aftur á móti ekki lengi að kvitta fyrir sig og unnu á endanum öruggan 5-1 sigur.Meira -
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira
