Stórgóð þátttaka í Jólamyndagátu Feykis 2025
Starfsfólk Feykis lét hendur standa langt fram úr ermum í dag og var því dregið úr réttum lausnum í Jólamyndagátu Feykis 2025. Hátt í 40 lausnir bárust, sem verður að teljast ansi gott, en vinningshafarnir voru aðeins þrír.
Lausn myndagátu 2025 var: „Ef Húnvetningar sameinast Dalabyggð mun þá Norðurland vestra ná til Breiðafjarðar í vestri?“ Það var ákvörðun gátusmiðsins, Palla Friðriks, að einnig var gefið rétt fyrir að nota Norðvesturland í stað Norðurland vestra.
Dömurnar á Feyki tóku völdin af ritstjóra þegar kom að drættinum en nöfn þeirra sem leystu gátuna rétt voru prentuð út og sett í vandaða ílát. Drógu þær síðan hvor af annarri eitt nafn úr ílátinu og varð niðurstaðan sú að þrír karlar hlutu verðlaunin að þessu sinni og allir búsettir á Sauðárkróki. Þetta voru þeir Karl Bjarnason, Ásmundur Pálmason og Árni Stefánsson en þeir hluta bók að launum.
Feykir óskar þeim félögum til hamingju og þakkar öllum sem spreyttu sig á gátunni fyrir þátttökuna.
Fleiri fréttir
-
Áramótabrennur og flugeldasýningar á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 30.12.2025 kl. 15.16Gamlársdagur er á morgun og það má reikna með að margur hugsi sér gott til glóðarinnar og fíri upp flugeldum af miklum móð. Björgunarsveitirnar eru með sölu á slíkum varningi víðast hvar á þéttbýlisstöðum – ef ekki hreinlega öllum. Engir eru snjóskaflarnir til að stinga flugeldunum í áður en þeim er skotið á loft en það er jákvætt að útlit er fyrir skaplegt veður annað kvöld.Meira -
Hver verður Maður ársins á Norðurlandi vestra 2025?
feykir.is Skagafjörður, Austur-Húnavatnssýsla, Vestur-Húnavatnssýsla 30.12.2025 kl. 12.05Líkt og undanfarin ár leitar Feykir til lesenda með tilnefningar um mann ársins á Norðurlandi vestra. Síðast var það Ásta Ólöf Jónsdóttir á Sauðárkróki sem var kjörin maður ársins fyrir árið 2024 en nú er komið að því að finna verðugan aðila til að taka við nafnbótinni Maður ársins á Norðurlandi vestra 2025. Feykir óskaði eftir tilnefningum og rökstuðningi og hér má sjá þau sem tilnefnd hafa verið:Meira -
„Leggst með rassinn framan í mig“
feykir.is Skagafjörður, Mannlíf, Lokað efni, Ég og gæludýrið mitt 30.12.2025 kl. 11.22Á Hólmagrundinni á Króknum búa krakkarnir Árelía Margrét, Ingimar Hrafn og Hafþór Nói ásamt foreldrum sínum, Ásu Björgu og Grétari Þór. Á heimilinu leynist einnig ferfætlingur, hundur sem ber nafnið Þoka og er af gerðinni Schnauzer. Þetta er reyndar ekki í fyrsta eða annað skiptið sem Schnauzer heimsækir okkur í gæludýraþáttinn því við höfum t.d. fengið að kynnast þeim Herberti, Tobba, Hnetu og Freyju sem eru af þessari tegund. Það er reyndar mismunandi hvort þau flokkist sem miniature, standard eða giant en hún Þoka er standard.Meira -
Fyrsta meistararitgerðin frá Hestafræðideildinni á Hólum varin
feykir.is Skagafjörður, Lokað efni 30.12.2025 kl. 10.18Þann 12. desember síðastliðinn varði Johannes Amplatz Meistararitgerð sína frá Hestafræðideild Háskólans á Hólum. Sagt er frá því á heimasíðu skólans að þessi meistaravörn hafi markað tímamót við deildina þar sem Johannes varð fyrsti neminn til að ljúka meistaragráðu frá deildinni en hann mun formlega útskrifast í maí í vor.Meira
