Sumarleikhús æskunnar sýnir Draum á Jónsmessunótt
Uppsetnig Sumarleikhúss æskunnar í ár verður Draumur á Jónsmessunótt. Sumarleikhús æskunnar er verkefni í eigu Handbendi brúðuleikhúss, en í ár er það sjálfur listrænn stjórnandi brúðuleikhússins, Greta Clough, sem leikstýrir styttri leikgerð á verki William Shakespeare, Draumi á Jónsmessunótt. Arnar Hrólfsson verður aðstoðarleikstjóri.
Að verkinu koma fimmtán hæfileikarík ungmenni á aldrinum 6-17 ára úr Húnavatnssýslum sem takast á við að setja upp einn frægasta gamanleik Shakespeare með sköpunargáfu og eldmóð að vopni og hlakka til að sýna afraksturinn sveitungum og vinum. Í tilynningu frá Handbendi brúðuleikhúsi segir: “Það er mikil eftirspurn eftir fleiri tækifærum til listsköpunar á svæðinu, bæði frá ungmennum og foreldrum. Sumarleikhús æskunnar hefur fengið viðbrögð víða að, til dæmis frá Hólmavík, en þá eru fjarlægðir náttúrulega farnar að hafa áhrif…..nokkrir krakkar hafa samt komið frá Blönduósi og það hefur verið gaman að sjá hópinn stækka og nýja vináttu blómstra. Þetta er virkilega skemmtileg sýning. Það eru ástarflækjur, fjörugir og hrekkjóttir blómálfar, töfrar og fullt af og skemmtilegum persónum…”
Sýningin verður þann 15. ágúst kl. 19.00 í Félagsheimili Hvammstanga.
Allir aldurshópar velkomnir.
Miðaverð er 1.000.- kr. við hurð.
Börn yngri en 5 ára fá frítt.
Vegna hertra sóttvarnaaðgerða í tengslum við Covid-19 faraldurinn verða aðeins 80 miðar í boði á sýninguna, því er nauðsynlegt að staðfesta komu sína í gegnum viðburðinn á facebook. Allir áhorfendur sem fæddir eru fyrir 2005 þurfa að gegna grímuskyldu innanhúss, til að öryggi allra sé tryggt. Uppröðun sæta verður með þeim hætti að ótengdir aðilar sitji ekki saman og tveggja metra reglunni verður fylgt.
Um Gretu Clough
Greta er verðlaunuð leikhúskona og verk hennar hafa verið sýnd um heim allan. Hún er þekkt fyrir ástríðu og hugmyndaauðgi í leikhúsvinnu með ungu fólki. Á síðasta ári vann hún að eftirfarandi sýningum: Sæhjarta (Ísland), The Further Adventures of the Owl and the Pussycat (Little Angel Theatre, Bretland), FORM (Ísland), og var leikstjóri brúðuleiks í íslensku kvikmyndinni Dýrið. Hér á heimaslóðum setti Greta upp Skógarlíf (2019) og Snædrottninguna (2018) fyrir Leikflokk Húnaþings vestra. Hún lauk námi frá East 15 Acting School í Lundúnum en ástríða hennar fyrir leikhúsi var vakin þegar hún var 13 ára gömul og hún hóf að leika með áhugaleikhúsinu í sínu nærumhverfi, í hinum dreifðu byggðu Vermont-fylkis í Bandaríkjunum. Þegar hún var 16 ára stofnaði Greta sitt fyrsta leikfélag – The Idle Hands – sem framleiddi og skapaði rómaðar sýningar samdar af, og fyrir, ungt fólk með stuðningi atvinnufólks af svæðinu. 22 árum síðar er það henni sönn ánægja að styðja ungt fólk sem er að taka fyrstu skrefin í sviðslistum.
/Fréttatillkynning
.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.