„Sunnan við garðinn hennar mömmu“
Menningardagar sem kallast Listaflóð á Vígaslóð 2012 verða haldnir á Syðstu-Grund í Blönduhlíð dagana 13. - 14. júlí en slík menningarhátíð var haldin á Grund fyrir ári síðan og verður þráðurinn tekinn upp að nýju um næstu helgi.
Tónleikar verða haldnir „Sunnan við garðinn“ á föstudagskvöldinu, 13. júlí kl. 20:30. Þar mun Tindatríóið koma fram en söngtríóið skipa feðgar af Kjalarnesinu, þeir Atli Guðlaugsson og synir hans Bjarni og Guðlaugur. Þeir hafa vakið athygli fyrir góðan söng og líflega framkomu og eru flestar útsetningar úr smiðju Atla. Karlakórinn Brandur Kolbeinsson mun stíga á stokk en kórinn hefur verið sérstaklega settur saman fyrir þetta tilefni og fleira óvænt mun jafnvel líta dagsins ljós. Það stefnir því í fjörugt föstudagskvöld.
Réttur verður settur kl. 12 á laugardaginn og mun dagskráin verða opin fram eftir degi. Lítill garðmarkaður þar sem handverksfólk og annað listafólk sýnir og kynnir varning sinn og hægt er að gera góð kaup ef fólk vill.
Félagar úr Víkingafélaginu Hringhorna á Akranesi mæta til leiks og slá upp búðum á föstudagskvöld. Á laugardeginum munu þeir sýna leiki fornmanna og bjóða gestum í leik, börnum sem fullorðnum. Einnig verður Sigurður Hansen með leiðsögn um Haugsnesgrundir.
Fjölbreytt tónlistaratriði verða yfir daginn og koma fram m.a. Sæþór Már, Gillon, Johnson&Johnson, Jón Þorsteinn Reynisson harmonikusnillingur og Árni Geir Sigurbjörnsson tenór. Lilla á Grund er búinn að baka mikið góðgæti og það verður því enginn með tóman maga. Kaffiveitingar Lillu eru á kr. 1000 (ath. ekki er posi á staðnum).
Enginn aðgangseyrir er inn á tónleikana og á hátíðina en frjáls framlög eru vel þegin til að styrkja þessa menningardaga. Hægt er að fylgjast með undirbúningi og uppfærðri dagskrá á facebook.
Verið velkomin í Syðstu-Grund.
/Fréttatilkynning
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
