Sveitarstjórn Húnavatnshrepps lýsir yfir vonbrigðum
Á fundi sveitarstjórnar Húnavatnshrepps þann 5. júlí sl. var lýst yfir vonbrigðum með þá niðurstöðu Skipulagsstofnunar að endurskoða þurfi í heild sinni matsskýrslu vegna uppbyggingar ferðaþjónustu á Hveravöllum. Ferðamannastraumur á Hveravöllum hefur aukist ár frá ári og því telur sveitarstjórn nauðsynlegt að byggja þar upp aðstöðu til framtíðar. Niðurstaða Skipulagsstofnunar mun tefja alla þá uppbyggingu sem fyrirhuguð er á Hveravöllum, segir í bókun sveitarstjórnar.
Matsskýrslan sem um ræðir var gerð á árunum 1995-1997 og var þar fjallað um mat á umhverfisáhrifum uppbyggingar ferðaþjónustu á Hveravöllum. Skipulagsstjóri féllst á fyrirhugaðar framkvæmdir en ekkert varð þó af þeim þá. Í júní 2016 barst Skipulagsstofnun erindi frá Húnavatnshreppi þar sem óskað var eftir ákvörðun stofnunarinnar um hvort endurskoða þyrfti skýrsluna, að hluta eða í heild, áður en leyfi til framkvæmda væri veitt. Var málið tekið fyrir og leitað umsagnar Húnavatnshrepps, Ferðamálastofu, forsætisráðuneytisins, Heilbrigðiseftirlits Norðurlands vestra, Minjastofnunar Íslands, Náttúrufræðistofnunar Íslands, Umhverfisstofnunar, Veðurstofu Íslands og Vegagerðarinnar.
Framkvæmdir þær sem hér um ræðir er 640 m2 þjónustumiðstöð með veitingasal, gistirými og gestastofu ásamt nýju bílastæði.
Í niðurstöðu Skipulagsstofnunar kemur fram að fyrirhuguð framkvæmd nú sé umfangsmeiri en sú sem undirgekkst mat á umhverfisáhrifum á árunum 1995-1997, bæði varð varðar umfang og eðli mannvirkja og þjónustu. Einnig hafi lagaumgjörð og stefna stjórnvalda breyst mikið á þessum tíma. Ákvörðun Skipulagsstofnunar má kynna sér betur hér.
Fleiri fréttir
-
Flóðin tóku með sér hreiður og egg
feykir.is Skagafjörður, Lokað efni 09.05.2025 kl. 15.40Einar Ó. Þorleifsson náttúrufræðingur var staddur í Skagafirði við rjúpnatalningar í Hegranesi og líka talningar á vatnafuglum (öndum, álftum, gæsum,himbrim, flórgoða) í gær fimmtudag og sagði í samtali við Feyki að ansi margt hefði farið í gegnum hugann þegar hann sá þessi miklu flóð sem nú eru í Skagafirðinum og eru að hafa áhrif á ansi margt.Meira -
æææææjjjiiiiii og allir komnir á sumardekkin er það ekki....
feykir.is Skagafjörður, Austur-Húnavatnssýsla, Vestur-Húnavatnssýsla 09.05.2025 kl. 12.08Veðurstofan hefur gefið út gula veðurviðvörun á Norðurlandi vestra í dag vegna élja, einkum á fjallvegum. Í dag verður suðvestanátt 8-15 m/s og slydda eða snjóél, t.d. á Holtavörðuheiði. Lítið skyggni getur verið í éljum og krapi og hálkublettir geta myndast á vegum. Því er æskilegt að bílar séu búnir til vetraraksturs. Viðvörunin gildir til miðnættis.Meira -
Umhverfisverðlaun Skagastrandar
feykir.is Austur-Húnavatnssýsla, Vestur-Húnavatnssýsla 09.05.2025 kl. 11.55Sveitarfélagið Skagaströnd hefur ákveðið að efna til umhverfisverðlauna í sveitarfélaginu. Þá verða þrenn verðlaun veitt og er fólk hvatt til þess að taka höndum saman og gera fallega bæinn enn fallegri.Meira -
Truflanir á afhendingu á hitaveituvatni á Sauðárkróki og Skarðshreppi
feykir.is Skagafjörður 09.05.2025 kl. 11.18Í tilkynningu frá Skagafjarðarveitum segir að vegna endurbóta á virkjunarsvæði í Borgarmýrum verður truflun á afhendingu hitaveituvatns frá kl. 16:00, mánudaginn 12. maí og fram eftir nóttu. Búast má við að efri hluti Túnahverfis og Hlíðarhverfis verði vatnslaus á meðan unnið er, en reynt verður að hafa rennsli á neðri bænum. Vinsamlegast munið eftir að loka fyrir krana á töppunarstöðum og huga að dælum fyrir upphitun í gólfhita- og bílaplönum.Meira -
Met þátttaka á Umhverfisdegi Fisk Seafood
feykir.is Skagafjörður, Mannlíf 09.05.2025 kl. 09.29Umhverfisdagur FISK Seafood var haldinn laugardaginn 3. maí síðastliðinn í frábæru veðri. Markmið þessa dags er að sameinast í útiveru með fjölskyldu og vinum með það að markmiði að fegra nærumhverfið og í leiðinni að styðja við það frábæra íþróttastarf sem fer fram í Skagafirði. FISK hét því að greiða fyrir hvern þátttakanda 12.000 kr. sem myndu renna til þess skagfirska íþróttafélags/deildar sem þátttakandi óskaði eftir. Í tilkynningu sem kom frá Fisk Seafood segir að enn eitt metið hafi verið slegið í ár þ.e. að alls mættu 927 einstaklingar fyrir 16 aðildafélög og/eða deildir innan UMSS í Skagafirði til að plokka og í heildina var 21.4 tonn af rusli tínt upp þennan daginn.Meira
