Sviptingar á landsþingi LH – tillaga Skagfirðinga samþykkt - formaður LH segir af sér
Miklar sviptingar hafa orðið á 59. landsþingi Landsambands hestamannafélaga sem fer fram á Selfossi um þessar mundir. Í dag var kosið skriflega um tillögu hestamannafélagana í Skagafirði um að stjórn LH myndi draga til baka þá ákvörðun að hætta við mótið á Vindheimamelum árið 2016. Tillagan var samþykkt með 84 atkvæðum gegn 67.
Á þinginu var Haraldur Þórarinsson, formaður LH, sakaður um að brjóta lög og fleiri óheilindi og í kjölfarið ákvað hann að segja af sér formennsku. Í framhaldinu sagði öll stjórn LH af sér. Myndband af ræðu Haraldar má sjá á vefmiðlinum Eiðfaxi.is.
Nú hefur verið gert hlé á þinghaldi.
UPPFÆRT 17:40:
Samkvæmt vefmiðlinum Isibless.is hefur þingi er frestað til 8. nóvember, þá skal halda framhaldsfund kl. 09.00. Kjósa þarf nýjan formann og nýja stjórn áður en þinghald getur haldið áfram.
„Kjörnefndin ætlar að undirbúa kosningu og annað sem þarf að undirbúa varðandi það þing, og er þeim þakkað fyrir að taka það verkefni að sér. Allir stjórnarmeðlimir ætla að segja af sér og styðja Harald fullkomlega í þeim verkefnum sem hann hefur unnið,“ segir á vefnum. Meðlimir stjórnarinnar munu taka að sér að stjórna skrifstofu LH fram að hádegi 8. nóvember svo samtökin séu ekki stjórnlaus.
Fleiri fréttir
-
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira -
Prjónagraffið sett upp á Blönduósi
feykir.is Austur-Húnavatnssýsla, Listir og menning, Lokað efni 23.05.2025 kl. 14.09Undirbúningur Prjónagleðinnar er í fullum gangi á öllum sviðum og má m.a. sjá þess merki í prjónagraffi sem verið er að setja upp á Blönduósi. Í frétt á Húnahorninu segir a' Prjónagraffið hafi verið sett upp árlega í tengslum við hátíðina og hafa skreytingarnar glatt heimamenn og gesti. Um er að ræða listaverk sem prjónarar í bænum hafa prjónað í gegnum tíðina.Meira -
Heiminum verður bjargað rétt fyrir ellefu á mánudagskvöldið
feykir.is Skagafjörður, Listir og menning, Lokað efni 23.05.2025 kl. 12.05Dumm, dumm, dummdumm, dumm, dumm... Já, Króksbíó sýnir nýjustu og sennilega síðustu myndina í Mission Impossible seríunni á mánudaginn. Myndin hefur undirtitilinn The Final Reckoning. Bíógestir ættu að vera búnir að koma sér fyrir með popp og kók í salnum eina sanna á slaginu átta og geta þá fylgst með Krúsaranum leggja allt í söurnar til að bjarga heiminum frá hinsta degi í boði AI.Meira
