Tafir á sjúkraflugi vegna ástands flugvallar
Eins og sagt var frá hér á Feykir.is sl. fimmtudag varð harður árekstur við bæinn Miðhús í Blönduhlíð þar sem tveir bílar skullu saman og voru allir sem í bílnum voru fluttir á Fjórðungssjúkrahúsið á Akureyri.
Í fréttum vísis.is og Bylgjunnar fyrr í dag var svo vísað í ofangreint slys og sagt frá því að tafist hefði um nokkra klukkutíma að koma stór slösuðum manni á Landsspítalann þar sem Isavia hafði ekki hirt um að halda flugvellinum á Sauðárkróki opnum og tækjabúnaði í lagi.
Sjúklingurinn hafði höfuðkúpubrotnað við áreksturinn og munu sjúkraflutningamenn þegar hafa óskað eftir sjúkraflugvél til að flytja manninn á Landspítalann. Kom þá í ljós að völlurinn hafði verið ófær vegna snjóa í nokkra daga og að Isavia var búin að segja eftirlitsmanni vallarins upp, nema hvað hann sinnir áfram útköllum. Hann brá skjótt við, en ljóst var að það tæki að minnsta kosti klukkustund að ryðja völlinn.
„En þegar til átti að taka kom í ljós að snjóruðningstækið var rafmagnslaust og að töfin yrði enn lengri. Var þá brugðið á það ráð að flytja hinn slasaða í sjúkrabíl í flug hálku yfir Öxnadalsheiðina og á sjúkrahúsið á Akureyri, þar sem hann fékk aðhlynningu fyrir flugið til Reykjavíkur. Það tafðist því um nokkrar klukkustundir að hann kæmist á Landsspítalann,“ sagði í fréttum Bylgjunnar.
Enn fremur er haft eftir Þorkeli Ásgeiri Jóhannssyni, flugstjóra hjá Mýflugi sem annast sjúkraflug, að svona ásigkomulag flugvalla sé ekkert einsdæmi. Hann segir að dæmi séu um að heimamenn á landsbyggðinni opni flugvelli í sjálfboðavinnu í neyðartilvikum.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
