Tap í fyrsta leik í 1. deildinni
Tindastóll spilaði fyrsta leik sinn í 1. deild Íslandsmótsins í knattspyrnu í Hafnarfirði í gær. Það voru Haukar sem voru mótherjinn að þessu sinni og er skemmst frá því að segja að heimamenn höfðu betur, sigruðu með tveimur mörkum gegn engu, en lið Tindastóls átti ágæta spretti í leiknum.
Lið Hauka byrjaði betur í leiknum og fengu ágætt færi strax á upphafsmínútunum en Arnar Magnús náði að verja. Tindastólsmenn komust inní leikinn og samkvæmt frásögn á Tindastóll.is þá voru Stólarnir komnir með öll völd á vellinum eftir um stundarfjórðung. Sérstaklega gekk Haukum illa að ráða við Theo Furness en hann lagði upp úrvalsfæri fyrir félaga sinn Ben Everson en honum brást bogalistinn og markvörður Hauka varði skot hans. Stólarnir fengu síðan á sig grátlegt mark á 39. mínútu þegar Hilmar Trausti Arnarsson skoraði beint úr hornspyrnu. Staðan 1-0 í hálfleik.
Í upphafi síðari hálfleiks voru Stólarnir næstum búnir að jafna en þá átti Fannar Freyr Gíslason skot í samskeytin eftir óbeina aukaspyrnu. Eftir þetta róaðist leikurinn og fátt markvert gerðist fyrr en á 80. Mínútu þegar Arnari markmanni Tindastóls var vísað af velli eftir að hafa sýnt áhorfendum fingurinn að því heimildir herma. Á þeim tímapunkti voru Stólarnir búnir að nota allar sínar skiptingar og fór því Fannar Örn Kolbeinsson í markið en Fannari er margt til lista lagt á knattspyrnuvellinum. Hann varð þó að hirða boltann einu sinni úr markinu því Magnús Páll Gunnarsson bætti við laglegu marki í blálokin en hann hafði skömmu áður sett boltann í þverslána.
Í samtali sem Fótbolti.net átti við Donna þjálfara að leik loknum kemur fram að hann hafi verið sáttur við vinnuframlag Tindastólsmanna og sem þjálfari gæti hann ekki beðið um mikið meira en að menn leggi sig alla fram. Honum fannst grautfúlt að liðið fengi á sig mark beint úr hornspyrnu.
Tveir menn koma til liðs við Stólana í vikunni og styrkja væntanlega hópinn og þá má geta þess að besti leikmaður liðsins á síðasta tímabili, Arnar Sigurðsson, vermdi bekkinn í gær en hann er að ná sér af meiðslum. Viðtalið við Donna má sjá á Fótbolti.net eða með því að smella á linkinn hér að neðan.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
