Tap í lokaleik og tímabilið hálfgerð vonbrigði
Leikur Hvatar og Völsungs á laugardag varð aldrei sú skemmtun sem hann hefði getað orðið enda bauð veðrið upp á tækifæri fyrir góðan leik beggja liða. Eitt mark var skorað í sitthvorum hálfleiknum og voru það gestirnir sem gerðu bæði mörkin. Lokastaðan því 0-2 fyrir Völsung sem endaði því í 3ja sæti með 43 stig en Hvatarmenn luku keppni í 5. sæti með 32 stig.
Fyrri hálfleiks leiksins verður vart minnst fyrir snilldartakta leikmanna en lítið gerðist fyrr en á 23. mínútu er Völsungar komust í ákjósanlegt færi á markteigshorninu en Jens Elvar Sævarsson, sem hljóp í skarðið í markinu vegna meiðsla Atla markmanns í upphitun, varði vel í horn. Upp úr horninu skoraði Kolbeinn Kristinsson mark með góðu skoti en hann var einn og óvaldaður á markteig heimamanna.
Fram að tepásunni átti Mirnes Smajlovic tvö fín færi fyrir heimamenn en bæði skot hans fóru rétt framhjá markinu. Staðan því 0-1 í hálfleik og heimamenn allt annað en sáttir við stöðuna. Þeir hófu seinni hálfleikinn með látum og komst Mirnes í dauðafæri einn á móti markmanni á annarri mínútu hálfleiksins en í stað þess að skjóta á markið ákvað hann að vippa yfir hann en markmaðurinn varði en Mirnes fékk boltann aftur og átti skot sem fór rétt framhjá marki gestanna.
Lítið gerðist í leiknum sem vert er að minnast á nema þegar Mirnes komst inn í teig Völsunga á 70. mínútu og var felldur en dómari leiksins, sem var vel staðsettur og sá því brotið mjög vel, gerði ekkert og voru heimamenn allt annað en ánægðir með það. Það var síðan ekki fyrr en á 85. mínútu að Völsungar fengu skyndisókn sem endaði með því að Elfar Árni Aðalsteinsson fékk boltann inni í teig Hvatarmanna, lék á 2-3 varnarmenn Hvatar og framhjá markmanninum og renndi boltanum í autt markið.
Eftir þetta fjaraði leikurinn út og 0-2 tap heimamanna staðreynd. Svekkjandi fyrir heimamenn þar sem gestirnir áttu einungis 3-4 skot á markið en 2 þeirra fóru inn og það dugði til að sigra leikinn.
/Húni.is
Fleiri fréttir
-
Ungir Húnvetningar æfðu með fagmönnum í körfuboltafaginu
feykir.is Austur-Húnavatnssýsla, Íþróttir, Lokað efni 23.09.2025 kl. 15.59Um helgina var spilaður körfubolti á Skagaströnd en þar mættust karlalið Fjölnis, Snæfells og Þórs Akureyri, spiluðu innbyrðist og brýndu vopn og samspil fyrir komandi átök í 1. deildinni í vetur. Þá buðu leikmenn Snæfells og Fjölnis ungum Húnvetningum upp á ókeypis námskeið í þessari skemmtilegu íþrótt sem körfuboltinn er.Meira -
Opinn kynningarfundur vegna Landsmóts hestamanna
feykir.is Skagafjörður, Hestar, Mannlíf 23.09.2025 kl. 15.41Það styttist í Landsmót hestamanna á Hólum 2026 og af því tilefni fer fram opinn kynningarfundur fer fram í Tjarnarbæ á morgun, miðvikudaginn 24. september 2025 kl 18:00. Boðið verður upp á súpu og áætlað er að fundurinn taki rúma klukkustund.Meira -
Hjólhýsabrakið væntanlega fjarlægt af Holtavörðuheiðinni í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.09.2025 kl. 11.57Sennilega hafa flestir þeir sem átt hafa leið yfir Holtavörðuheiði síðustu vikurnar furðað sig og jafnvel hneikslast á draslinu sem liggur við vegkantinn. Um miðjan ágúst gerði talsvert hvassviðri og splundruðust þá tvö hjólhýsi á sama kaflanum ofarlega í norðanverðri heiðinni samkvæmt upplýsingum Feykis. Brakið hefur ekki verið fjarlægt en í frétt á mbl.is í gærkvöldi var sagt frá því að Vegagerðin hyggst láta hendur standa fram úr ermum og ganga í málið í dag.Meira -
Söfnun fyrir Píeta gekk mjög vel
feykir.is Skagafjörður, Íþróttir, Lokað efni 23.09.2025 kl. 09.50Tindastóll lék á laugardag tvo æfingaleiki í Síkinu á Sauðárkróki gegn Ármanni. Allt er þetta partur af því að undirbúa sig fyrir komandi tímabil í Bónus deildum karla og kvenna sem hefjast í kringum næstu mánaðarmót.Meira -
Húsbrot og eldsvoði til rannsóknar á Sauðárkróki
feykir.is Skagafjörður 23.09.2025 kl. 09.10Lögreglan á Norðurlandi vestra hefur handtekið mann sem grunaður er um að hafa farið inn í hús og bifreiðar á Sauðárkróki og valdið eldsvoða í hjólhýsi, sem stóð fyrir utan íbúðarhús.Meira
