Tekið til í rekstri Húnavatnshrepps
Á síðasta fundi hreppsnefndar Húnavatnshrepps var ákveðið að lækka laun hreppsnefndar sem og annara nefnda, fjallskilastjóra og oddvita um 10% frá fyrra ári en ljóst er að leita þarf allra leiða til að draga saman í rekstri málaflokka sveitarfélagsins. Með breytingum á gjaldskrám og þjónustu er ætlunin að ná fram 34% sparnaði í sorphirðu.
Hætt er við að tekjur sveitarfélagsins munu skerðast mikið á árinu 2011 þar sem framlög frá Jöfnunarsjóði gætu lækkað um 27 milljónir króna frá fyrra ári, fara úr 119 millj kr. í 92 millj kr. og bætist þetta á þann hallarekstur sem fyrir er.
Ekki var gerð tillaga um flatan niðurskurð á árinu 2011 í fjárhagsáætluninni, heldur verður hver málaflokkur skoðaður fyrir sig með tilliti til stöðu hans. Í heildina er gert ráð fyrir að rekstrarútgjöld málaflokka lækki um 12% frá endurskoðaðri fjárhagsáætlun fyrra árs.
Stærsti málaflokkurinn er fræðslu- og uppeldismál sem mun taka til sín um 64% af áætluðum skatttekjum eftir hagræðingakröfu sem í heild er um 9%. Gert er ráð fyrir 13% lækkun í rekstri leikskóla, 10% lækkun í rekstri tónlistarskóla og 7% lækkun í rekstri grunnskóla.
Dregið verður saman um 9% í rekstri skrifstofu og vegna yfirstjórnar. Í öðrum málaflokkum er gert ráð fyrir rekstrarútgjöld lækki á bilinu 4% til 20%.
Ýmsar aðgerðir voru samþykktar sem stuðla að sparnaði í rekstri sveitarfélagsins. M.a. var ákveðið að hætta rekstri bókasafnsins í Dalsmynni frá 1. apríl 2011 en einnig verða ýmsir styrkir á árinu 2011 felldir niður. Námsstyrkir vegna tónlistarnáms á framhaldsskólastigi verða felldir niður, greiðslur vegna ristarhliða í heimkeyrslur lögbýla verða felldar niður sem og greiðsluþátttaka í hráefniskostnaði mötuneytis grunnskóla og leikskóla.
Til að ná fram sparnaði í sorphirðu var samþykkt að gámasvæðum verði fækkað í þrjú á árinu 2011 og verði þau staðsett við Aralæk, Dalsmynni og Húnaver. Opnir gámar fyrir járn og timbur verða ekki á gámasvæðum, heldur eingöngu lokaðir midi gámar fyrir heimilissorp.
Fjárhagsáætluninni var vísað til annarar umræðu í hreppsnefnd.
Fleiri fréttir
-
Myndaveisla úr Síkinu í boði Sigurðar Inga
feykir.is Skagafjörður, Íþróttir, Ljósmyndavefur 15.05.2025 kl. 14.35Af því að lífið er körfubolti - ekki saltfiskur (sem betur fer) – þá er rétt að bjóða lesendum Feykis upp á aðeins meira af leiknum í gær. Sigurður Ingi ljósmyndari var að sjálfsögðu í Síkinu og Feykir fékk að velja 20 frábærar myndir í góða myndamöppu til birtingar.Meira -
Síðasta sýningin í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 15.05.2025 kl. 14.22Nú er síðasti séns að sjá Flæktur í netinu hjá Leikfélaginu á Sauðárkróki, því nú er komið að lokum.Meira -
Brosandi hér, brosandi þar, brosandi í gegnum öldurnar!
feykir.is Skagafjörður, Íþróttir, Lokað efni 15.05.2025 kl. 12.00Það var hátíðardagur á Króknum í gær, enda þriðji í úrslitakeppni sem ætti auðvitað að vera opinber frídagur í Firðinum fagra. Þar sem sól skein í heiði, hitinn nartaði í rassinn á sköflum í efstu skörðum og golan rétt dugði til að hreyfa við Tindastólsfánunum á Króknum þá var dúndur- og gleðistemning upp við Síki löngu áður en hleypt var inn í hús. Og leikurinn? Jú, sömu töfrarnir innanhúss og utan og úrslitin eins og við viljum hafa þau. Stólasigur 110-97 eftir hörkuleik.Meira -
Diddi Frissa nýr rekstraraðili á Húnavöllum
feykir.is Austur-Húnavatnssýsla 15.05.2025 kl. 10.50Nýr rekstraraðili, Diddi Frissa, hefur tekið við á Húnavöllum og er að keyra starfsemina í gang í þessum skrifuðu orðum. Didda langar að bjóða íbúum Húnabyggðar í heimsókn á föstudaginn og bjóða upp á súpu í leiðinni. Gamlir nemendur og starfsmenn Húnavallaskóla eru boðnir sérstaklega velkomnir.Meira -
Sauma nú myndir úr Vatnsdælureflinum
feykir.is Austur-Húnavatnssýsla 15.05.2025 kl. 10.17Á vef Húnabyggðar er sagt frá hefðarkonum sem komu saman í kvennaskólanum á Blönduósi í gær. Nú þegar lokið hefur verið við sum á Vatnsdælureflinum eru þær aftur sestar við saum og hafa hafist handa við að sauma út myndir úr Vatnsdælureflinum sem seldar verða seinna í sumar þegar refilinn verður sýndur.Meira
