Telja mikilvægt að endurskoða regluverk um riðuveiki
Stjórn Búnaðarsambands Skagfirðinga hefur sent Kristjáni Þór Júlíussyni, sjávarútvegs-og landbúnaðarráðherra, bréf varðandi riðumál, þar sem skorað er á ráðherra að hraða vinnu við endurskoðun á reglum sem fjalla um kröfu niðurskurðar vegna riðu í sauðfé, bótafyrirkomulag og öllu regluverki sem að því snýr.
Fram kemur í erindi sambandsins að mjög mikilvægt sé að sú endurskoðun á regluverkinu verði þolendum niðurskurðar til hagsbóta.
„Það liggur fyrir að núverandi bótafyrirkomulag bætir ekki með ásættanlegum hætti það tjón sem bændur verða fyrir. Má þar nefna að vinnuframlag bónda við hreinsun og uppbyggingu þess sem þarf að farga og endurbyggja er ekki metið með sanngjörnum hætti miðað við umfang vinnunnar. Eins eru bætur fyrir nýjan fjárstofn ekki nema tæpur helmingur af því sem markaðsverð er á líflömbum og verður það að teljast óásættanlegt. Einnig væri eðlilegt að meta til bóta það tjón sem kvaðir um nýtingu jarðarinnar til lengri tíma eru settar eftir að riða hefur komið upp,“ segir i bréfinu.
Feykir sagði frá því fyrr í dag að athyglisverðar niðurstöður hafi komið fram úr rannsókn á verndandi arfgerð sauðfjár gegn riðu og leggur stjórn Búnaðarsambandsins áherslu á í bréfi sínu að ráðuneytið beiti sér fyrir auknum rannsóknum og aukinni vinnu við leit að verndandi geni gegn riðu í íslenska sauðfjárstofninum. „Nærtækast í þeim efnum væri til dæmis að fara strax í sýnatöku á öllu ásetningsfé á þeim svæðum sem í mestri hættu eru og auka um leið kröfur um verndandi arfgerð þess fjár sem flutt er inn á riðusvæðin við fjárskipti,“ segir ennfremur í bréfi BS til landbúnaðarráðherra.
Fleiri fréttir
-
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.