Telur að Rússlandsmarkaður opnist fyrr en varir
Þrátt fyrir að Rússlandsmarkaður sé lokaður fyrir fiskafurðir, m.a. frá Íslandi, er ekkert sem bannar innflutning á öðrum matvælum eins og á kjöti og mjólkurafurðum. Reynt hefur verið að selja Rússum og þeirra nágrönnum íslenskt lambakjöt og eru tækifærin mörg og víða. Einn af þeim sem farið hafa í austurveg í þeim tilgangi er Jón Daníel Jónsson matreiðslumaður á Sauðárkróki. Hann er nýkominn heim úr einum slíkum túr og fékk blaðamaður Feykis hann til að segja frá verkefninu í ítarlegu viðtali í blaði vikunnar.
„Þetta er sölumennska á íslenskum afurðum, íslenskum mat, aðallega lambakjöti. Til að byrja með var það fiskur, alveg þangað til markaðir lokuðust,“ segir Jón en afurðir úr fiski og fisklifur eru eitthvað sem Rússar hafa mikinn áhuga á. Nú segir Jón að skyr sé að koma inn og miklir möguleikar þar. Það er fyrirtækið Ice Corpo sem staðsett er í Pétursborg í Rússlandi sem stendur fyrir innflutningnum en eigendur þess eru Sigurjón Bjarnason frá Selfossi og innfædd kona hans, Katarina Gerasimova, auk Kaupfélags Skagfirðinga sem einnig á hlut í því. Að sögn Jóns gengur fyrirtækið út á það að flytja íslenskar afurðir til Rússlands og í framtíðinni er ætlunin að flytja rússneskar vörur til Íslands. Þá hefur Jón einnig farið til Kasakstan og kynnt íslenska lambakjötið fyrir innfæddum.
Jón segir að í ferðum sem þessum er verkefnið að sýna fram á gæði íslenska lambakjötsins, og hvað hægt er að gera með það, og telur upp ýmsa rétti máli sínu til stuðnings. „Við getum borið það fram hrátt, langtímaeldað, steikt, grillað, soðið í súpu og ýmislegt fleira. Ég reyni að hafa þetta eins fjölbreytt og hægt er og sýna fram á gæði. Ég er sölumaður í leiðinni enda gengur þetta út á það að selja.“
Jón segist bjartsýnn á að þessi markaður muni blómstra í framtíðinni enda verið að flytja nú þegar kjöt þangað út. Einnig segist hann finna fyrir bjartsýni bæði hjá Rússum og Íslendingum á að aftur opnist fyrir innflutning á fiskafurðum.
Það er ekki bara lambakjötið sem gengur vel í Rússana heldur er íslenska skyrið eitthvað sem vekur mikla athygli. Jón segir að öllum lítist vel á skyrið hvert sem hann fer. Séríslenskt fyrirbæri sem klárlega sé að ryðja sér til rúms um alla Evrópu og Bandaríkin.
Meira um Rússlandsferðir Jóns í Feyki sem kom út í gær.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
