Telur opinbera þjónustu í dreifðum byggðum landsins ábótavant
Þingflokkur Vinstrihreyfingarinnar – græns framboðs telur nauðsynlegt að tryggja opinbera þjónustu í dreifðum byggðum landsins þar sem henni er ábótavant, samkvæmt fréttatilkynningu frá þingflokknum. Þá hefur Iðnaðarráðherra falið Byggðastofnun að gera athugun á þjónustuþörf á landsbyggðinni fyrir fjármálaþjónustu, póstþjónustu o.fl.
Í fréttatilkynningunni kemur fram að Þingflokkur Vinstrihreyfingarinnar – græns framboðs mótmæli fyrirvaralausri lokun starfsstöðva Landsbankans víða um land að undanförnu og skorar á stjórnendur bankans að taka upp viðræður við heimaaðila og sveitarstjórnir á viðkomandi svæðum um tilhögun þjónustunnar.
„Þó svo að óumflýjanlegt hafi verið að draga úr umfangi fjarmálastarfsemi hér á landi í kjölfar hrunsins verður að gera þá kröfu til Landsbankans að hann axli samfélagslega ábyrgð sína og viðhaldi þeirri lágmarks bankaþjónustu sem hann hefur veitt á landsbyggðinni þar til aðrar lausnir finnast,“ segir í tilkynningu.
Í þessu samhengi hvetur Þingflokkur VG Alþingi til að samþykkja frumvarp sem liggur fyrir þinginu um sparisjóði sem mikilvægt er að hljóti afgreiðslu þingsins til að sparisjóðirnir geti treyst stöðu sína.
„Það frumvarp miðar að því að sparisjóðirnir verði góður kostur fyrir nýja aðila að leggja þeim stofnfé eða eigið fé auk þess sem sú löggjöf er talin falla betur að eðli sparisjóðanna,“ segir loks í fréttatilkynningu.
Fleiri fréttir
-
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira -
Háholt er ekki heldur inni í myndinni hjá Guðmundi Inga
feykir.is Skagafjörður, Lokað efni 06.05.2025 kl. 13.24Ráðherra barnamála, Guðmundur Ingi Kristinsson, er á sömu skoðun og fyrrverandi barnamálaráðherra, Ásthildur Lóa Þórsdóttir, varðandi vistun barna í Háholti í Skagafirði og telur Háholt ekki koma til greina sem meðferðarheimili fyrir börn. Í frétt á vef RÚV segir að neyðarvistun, afplánun og gæsluvarðhald verði áfram á Stuðlum.Meira -
Söngskemmtun á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2025 kl. 08.28Sönghópur félags eldri borgara í Skagafirði heldur söngskemmtun á Löngumýri í Skagafirði sunnudaginn 11. maí 2025 kl. 15:00. Aðgangur kr. 3.000,- enginn posi. Verið velkomin. StjórninMeira -
Grunnskóli Húnaþings vestra í úrslit
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings vestra sigraði í sínum riðli í Skólahreysti í síðustu viku. Lið skólans hlaut 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.