Það er nefnilega hola á Rúntinum
Það kannast allir við að holur geta verið ansi hreint hvimleiðar og þá er hér ekki verið að ræða um holur í tönnum. Ein hola á Rúntinum á Króknum fellur í þennan flokk hvimleiðra holna, staðsett akkúrat við enda Rúntsins úti í bæ, rétt áður en hringurinn er farinn við Villa Nova.
Sumar holur eru þannig úr garði gerðar að þó þær séu ekki endilega risastórar þá eru þær oft leiðinlega djúpar, nánast hálfgerð svarthol og líkt og svartholin þá virðist allt hvikt dragast að þeim. Í þessu tilviki bílarnir á rúntinum sem fá endurtekin væn högg. -Iss, þetta eru bara klaufar á rúntinum þarna á Króknum,- hugsa kannski einhverjir með sér en enginn veit fyrr en reynt hefur.
Það væri í það minnsta ekkert að því að fylla í þessa holu hið fyrsta.
Önnur hola og talsvert stærri lokaði Aðalgötunni í nær allan dag. Í morgun var allt á floti á milli Mælifells og Hard Wok Café, eitthvað hafði farið í sundur ofan í jörðinni, og því ekki annað að gera en skera upp götuna og gera að sárinu. Umferð var á ný hleypt á þennan mikilvæga götupart nú um kvöldmatarleitið og því ekkert því til fyrirstöðu að fara Rúntinn á Króknum í kvöld – bara að muna eftir að passa sig á holunni!
Þarna sést sárið í Aðalgötunni eftir viðgerðirnar í dag.
Holan er þó þannig staðsett að ökumenn hafa allflestir hægt á bílum sínum áður en þeir lenda í holunni.
Fleiri fréttir
-
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira
