Það er stórleikur hjá stelpunum í Síkinu klukkan sex
Það er bikarhelgi í körfunni og bæði karla- og kvennalið Tindastóls verða í eldlínunni en um er að ræða leiki í átta llið úrslitum. Á morgun (sunnudag) mæta strákarnir liði Snæfells og fer leikurinn fram í Stykkishólmi og hefst kl. 16:00. Stólastúlkur fá hins vegar lið KR í heimsókn alla leið úr Vesturbæ Reykjavíkur og hefst leikurinn kl. 18:00 og því alveg upplagt að fjölmenna í Síkið og styðja okkar lið til sigurs.
Það má reikna með hörkuleik í Síkinu en lið KR hefur komið rækilega á óvart í Bónus deildinni í vetur og verið í einu af toppsætum deildarinnar en liðið er vel mannað. Þær töpuðu hins vegar síðasta leik í Njarðvík með 29 stiga mun en í umferðinni á undan bar lið Tindastóls einmitt sigurorð af toppliði Njarðvíkur þannig að það getur allt gerst. Okkar stúlkur hafa verið að gera vel í undanförnum leikjum og hafa sýnt að þær grimmar og baráttuglaðar og ekki hvað síst þegar leikið er í Síkinu.
KR vann leik liðanna í Bónus deildinni hér heima fyrr í vetur. Leikurinn var jafn en Vesturbæjarliðið var sterkara á lokamínútunum og hafði stigin með sér suður. Nú þurfa stuðningsmenn Tindastóls að mæta og búa til bikarstemningu og hjálpa til við að ýta liðinu í átta liða úrslitin.
Áfram Tindastóll!
Fleiri fréttir
-
Stólastúlkur komnar í undanúrslit í VÍS bikarnum
feykir.is Skagafjörður, Íþróttir, Lokað efni 10.01.2026 kl. 22.14Lið Tindastóls og KR mættust fyrr í kvöld í átta liða úrslitum VÍS bikarsins í Síkinu á Sauðárkróki. Reiknað var með hörkuleik en lengstum var það nú ekki raunin því heimastúlkur sýndu hreint frábæran leik ... allt þar til átta mínútur voru eftir þegar gestirnir náðu 20-0 kafla á sex mínútum og minnkuðu muninn í eitt stig. Þá var nú alveg ágætt að vera með eitt stykki Maddie Sutton í sínu liði og hún sá til þess að sigurinn var Tindastóls og tryggði Stólastúlkur í fyrsta sinn í undanúrslit í bikarnum. Lokatölur 72-68.Meira -
Umræðan og samstarfið | Friðbjörn Ásbjörnsson skrifar
feykir.is Skagafjörður, Aðsendar greinar 10.01.2026 kl. 21.25Ég hef í þessum áramótapistlum mínum síðustu árin reynt að varðveita hátíðarskapið og meta stöðuna og framtíðarhorfur hverju sinni af yfirvegun gagnvart því sem hvorki við í FISK Seafood né þjóðin öll höfum nokkra stjórn á. Á meðal þess er margt sem skiptir afkomu hvers árs miklu máli; veðurfar og gæftir, verð á erlendum mörkuðum, heimsmarkaðsverð á olíu, breytingar í neyslumynstri fólks á okkar stærstu markaðssvæðum o.s.frv.Meira -
Skipulagslýsing fyrir Hofsós - Plássið, Sandinn, Brekkuna og Bakkann
feykir.is Skagafjörður 10.01.2026 kl. 11.10Sveitarstjórn Skagafjarðar samþykkti á 44. fundi sínum þann 10. desember 2025 að auglýsa skipulagslýsingu fyrir gerð deiliskipulags fyrir Plássið, Sandurinn, Brekkan og Bakkinn á Hofsósi skv. 40 gr. skipulagslaga nr. 123/2010. Hér er sett fram skipulagslýsing vegna gerð nýs deiliskipulags fyrir Hofsós – Plássið, Sandurinn, Brekkan og Bakkinn. Tilgangurinn með gerð skipulagslýsingar er að tryggja aðkomu almennings og hagsmunaaðila að skipu-lagsferlinu á fyrstu stigum þess, auka gagnsæi, tryggja betra upplýsingaflæði og skila betri og markvissari skipulagsvinnu.Meira -
Sumarið mest spilaða lagið á Spotify
feykir.is Skagafjörður, Lokað efni 10.01.2026 kl. 09.00Feykir hafði samband við Arnar Guðjónsson þjálfara Tindastóls í körfubolta og bað hann að gera upp árið þó ekki körfuboltaárið. Arnar gaf sér tíma til að svara þrátt fyrir að vera á fullu að pakka niður heimili sínu á Selfossi og búa fjölskylduna undir flutninga í Skagafjörðinn. Arnar er giftur Dröfn Hilmarsdóttur og á með henni þrjú börnin Iðunni (10), Bjarka (8) og Styrmir (4). Arnar er fæddur og uppalinn í Reykholti í Borgarfirði, en er formlega að flytja í Skagafjörðinn frá Selfossi til að starfa fyrir körfuknattleiksdeild Tindastóls.Meira
