Þjónustunámskeið frítt fyrir aðila að Félagi ferðaþjónustuaðila í Skagafirði
Farskólinn og Félag ferðaþjónustuaðila í Skagafirði ætla þann 6. júní að halda námskeið fyrir starfsfólk ferðaþjónustufyrirtækja á svæðinu. Kennd verður tíu kennslustunda námskrá sem sérstaklega var samin fyrir þjónustufyrirtæki og ber heitið „Við erum hér fyrir þig“.
Námskeiðið er ætlað öllum þeim sem á einhvern máta starfa við að þjónusta ferðamenn, bæði innlenda og erlenda, sem sækja Skagafjörð heim.
Aðaláherslan verður á Þjónustuhugtakið og verður það rætt út frá mörgum hliðum og ýmsum spurningum varpað fram.
Sérstök áhersla verður lögð á erfiðar aðstæður sem starfsmenn ferðaþjónustufyrirtækja lenda í og það hvort allir eigi rétt á góðri þjónustu? Líka þeir sem eru fullkomlega óþolandi?
Einnig verður farið í mikilvægi snyrtimennsku, persónulegt hreinlæti, klæðnað, framkomu og fas.
Þá verður lögð áhersla á að kynna nærumhverfi fyrir þátttakendum. Hvað er í boði á svæðinu, hvað er það helst sem ferðafólk spyr um og hvernig getum við aðstoðað það við að fá svör við þeim spurningum.
Námskeiðið hefst kl. 9 í húsnæði Farskólans við Faxatorg og stendur til kl. 16. Innifalinn er hádegisverður og kaffi.
Leiðbeinandi á námskeiðinu verður Lára Óskarsdóttir. Lára er ACC stjórnendamarkþjálfi, starfandi hjá Vendum. Hún starfaði sem Dale Carnegieþjálfari til ársloka 2012. Hún þýddi bókina Meira sjálfstraust eftir Paul McGee, 2010. Lára hefur mikla reynslu af þjálfun og námskeiðahaldi bæði í þjónustu og sölu. Hún lauk B.Ed. próf frá HÍ 2008. Auk diplomanámi í mannauðsstjórnun frá EHÍ, hefur Lára lokið námi í stjórnendamarkþjálfun (e. Executive coaching) frá Opna Háskólanum í HR og Coach University og hefur ACC vottun frá International Coach Federation.
Bent er á að Félag Ferðaþjónustuaðila í Skagafirði kostar námskeiðið og er það því aðilum innan félagsins að kostnaðarlausu.
Skráning er í síma 455-6010 eða með því að senda póst á gigja@farskolinn.is, þar sem fram kemur kennitala, netfang og stéttarfélag.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
