Þreksport á nýjum stað
Það hefur mikið gengið á undanfarið hjá þeim Friðriki Hreinssyni og Guðrúnu Helgu Tryggvadóttur, eigendum Þreksport á Sauðárkróki, en búið er að færa starfsemi líkamsræktarstöðvarinnar í nýtt húsnæði að Borgarflöt 1. Segja þau að framkvæmdir og flutningur hafi gengið vel og vel ætti að fara um gesti í nýja húsnæðinu.
„Þetta hefur gengið vel, erum ennþá að koma okkur fyrir, en náðum alla vega að opna í apríl eins og stefnt var að. Það tekur tíma að koma þessu almennilega á kjölinn,“ sagði Friðrik er Feykir náði loksins að smella mynd af þeim hjónum saman. Svo mikið hefur verið að gera hjá þeim að myndatakan dróst á langinn.
Friðrik segir að nýja húsnæðið sé betra að mörgu leyti enda stærra og rýmra fyrir gesti. „Það er stærri hóptímasalur svo við getum tekið við fleirum. Það var svo þröngt hinum megin en salurinn hér er helmingi stærri. Við getum tvöfaldað í tímana sem er mikill kostur,“ segir Friðrik.
Í húsinu verður auk starfsemi Þreksports, sjúkraþjálfun, fótsnyrtistofa og snyrtistofa. Þá er hægt að komast í ljósabekk. Friðrik segir að húsið opni fyrir 6 á morgnana og fólk geti stundað sína líkamsrækt til 10 á kvöldin. Afgreiðslutíminn er til klukkan 18 en eftir það kemst fólk inn með rafrænu aðgangskerfi svo nú er engin afsökun fyrir því að komast ekki í ræktina.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.