Þremur sagt upp í Arion banka á Sauðárkróki
Byggðarráð Svf. Skagafjarðar, ásamt sveitarstjóra, átti fund með stjórnendum Arion banka fyrir helgi þar sem rædd voru málefni bankans sem snúa að uppsögnum starfsfólks í útibúi þess á Sauðárkróki og áætlunum um lokun hraðbanka á Hofsósi. Eins og fram hefur komið í fréttum var ákveðið að hætta við lokun bankans en uppsagnir starfsfólks stendur.
„Við áttum ágætan fund og umræður um starfsemi Arion banka í Skagafirði, þar sem við lýstum áhyggjum og vonbrigðum yfir þeim uppsögnum sem voru um síðustu mánaðarmót í útibúi bankans á Sauðárkróki. Einnig vonbrigðum yfir fyrirhugaðri lokun hraðbankans á Hofsósi, þrátt fyrir daprar fréttir af uppsögnum þá fengum við þær ánægjulegar fréttir að hætt væri við lokun á hraðbankanum á Hofsósi sem er mikill léttir,“ sagði Gísli Sigurðsson, varaformaður byggðarráðs eftir fundinn.
Haraldur Guðni Eiðsson, upplýsingafulltrúi Arion banka sagði í samtali við Feyki ástæðu uppsagnanna fyrst og fremst vera hagræðingu í starfseminni í ljósi þess að miðað við það svæði sem útibúið þjóni þá var fleira starfsfólk en í öðrum sambærilegum útibúum bankans, eins og t.d. á Egilsstöðum. „Staðreyndin er sú að fjármálaþjónusta er að breytast í takt við breytta eftirspurn viðskiptavina og aukna notkun stafrænna þjónustuleiða. Stafrænar þjónustuleiðir, eins og netbanki og appið, hafa kannski ekki síst gagnast landsbyggðinni og dreifðari byggðum. Þessu fylgir jafnframt að störf í fjármálaþjónustu breytast.“ Hann segir ekki liggja fyrir neinar frekari ákvarðanir um uppsagnir á svæðinu eða lokun hraðbanka.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.