Þrír erlendir leikmenn komnir á Krókinn
Theo Furness, Ben Everson og Max Touloute eru gengnir til liðs við knattspyrnulið Tindastóls en samkvæmt heimasíðu liðsins eru strákarnir komnir á Krókinn og byrjaðir að æfa á fullu fyrir fyrsta leik sumarsins, sem verður á Ásvöllum þann 12. maí.
Um leikmennina segir á vefsíðu Tindastóls:
Theo Furness er fæddur 1991 og kemur frá Englandi. Hann spilaði með okkur á síðasta tímabili og stóð sig það vel, að vilji var til þess að fá hann aftur. Theo getur leyst margar stöður á vellinum þar á meðal hægri kant og hægri bakvörð. Theo spilað með Middlesbrough frá 10 ára aldri til 18 ára. Eftir það lék hann hálft ár í Bandaríkjunum þar sem liðið hans komst í 16 liða úrslit í háskólaboltanum. Eftir það spilaði hann eitt tímabil með Belgíska liðinu RRFC í 5.deildina þar í landi. Eftir það kom hann til Íslands og spilaði með Tindastól/Hvöt á síðasta tímabili.
Ben Everson kemur frá Middlesbrough og er fæddur árið 1987. Hann hefur búið i Bandaríkjunum síðan 2007 og spilaði í fjögur ár með Háskólaliðinu West Texas A&M. Á síðasta tímabili hefur hann verið að taka Masters-gráðu í skólanum og var hann samhliða því að þjálfa háskólaliðið. Síðastliðin þrjú tímabil hefur hann spilað í „Professional Development League“ þar sem hann hefur spilað með Bradenton Academics, El Paso Patriots og West Texas United.
Max Touloute er fæddur í Les Cayes á Haiti árið 1990. Hefur stundað nám í Indiana University-Purdue University. Spilaði í NCAA Div1 á síðasta tímabili og skoraði þar 13 mörk (14 sæti í deildinni) og gaf 9 stoðsendingar (12. sæti í deildinni). Hann var kosinn íþróttamaður skólans fyrir síðasta ár, en hann kemur til Tindastóls frá Wichita Wings í MLS innanhúsdeildinni.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
