Þyrla Landhelgisgæslunnar við æfingar ásamt liðsmönnum Skagfirðingasveitar
Í dágóðan tíma upp úr hádegi í dag var töluverður hávaði á Króknum sem íbúar eru ekki vanir. Eðlilega kíktu margir út um glugga og þeir alhörðustu leituðu upprunans. Í ljós kom að um var að ræða eina þyrlu Landhelgisgæflunnar, TF-EIR, sem var við æfingar syðst á iðnaðarsvæðinu á Sauðárkróki ásamt hópi björgunarsveitarmanna Skagfirðingasveitar.
Á Facebook-síðu Skagfirðingasveitar sagði að æfingu lokinni: „Vávává. Við heppin að Landhelgisgæslan hafi haft samband í gærmorgun og óskað eftir æfingu með okkur,“ en liðsmenn björgunarsveitarinnar fengu fræðslu um móttöku á þyrlu, upplýsingar sem þarf að gefa gæslunni ef þeir sækja sjúkling á vettvang og hvernig eigi að bera sig að þegar björgunarsveitarfólk er á vettvangi þegar hýfing fer fram og margt fleira.
„Loks voru allir hífðir um borð í vélina, bæði fyrir norðan Vegagerðina og svo voru nokkrir teknir í vélina úr „fjallshlíð“ þar sem sandhólarnir í fjörunni voru notaðir sem brattlendi Það var líka gaman að sjá àhuga bæjarbúa á æfingunni en fjölmargir fylgdust með. Við fengum okkur svo góðan kaffisopa àður en við héldum heim,“ segir loks í færslunni.
Myndir frá æfingunni má sjá hér í færslu á síðu Skagfirðiingasveitar >
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.