Fréttir

Aðalfundir eftirtalinna félagsdeilda Kaupfélags Skagfirðinga verða haldnir sem hér segir:

Á dögunum tókust nemendur á öðru ári í Hestafræðideild Háskólans á Hólum á við spennandi verkefni í námskeiðinu Reiðkennslufræði III. Verkefnið fólst í samstarfi við Fjölbrautaskóla Norðurlands vestra (FNV), þar sem nemendur fengu tækifæri til að æfa sig í reiðkennslu með nemendum úr FNV.

Gert er ráð fyrir stilltu veðri í dag, hægri sunnanátt og hita um frostmarkið og það birtir til þegar líður á dag.inn. Það snýst síðan í norðanátt á morgun, miðvikudag, þykknar upp og fer að snjóa lítilsháttar. Í gær gerðu spár ráð fyrir alvöru vetrarveðri fimmtudag og föstudag með hvassri norðanátt og snjókomu en nú virðast spár gera ráð fyrir hægari vindi og jafnvel frekar slyddu en snjókomu.

„Nú er hann orðinn kótilettukarl,“ söng Bjartmar Guðlaugs um árið. Það skal ekki fullyrt hvort það fína lag hafi fengið að hljóma í Félagsheimilinu á Blönduósi um helgina en þar sló engu að síður Frjálsa kótilettufélagið upp frábæru kótilettukvöldi sem var vel sótt að venju.

Innviðaráðherra hefur á Alþingi mælt fyrir frumvarpi að nýjum sveitarstjórnarlögum en í því felast víðtækar breytingar frá gildandi lögum, en frá þessu segir í Húnahorninu. Markmiðið frumvarpsins er að styrkja og styðja við sveitarstjórnarstigið á Íslandi með því tryggja að sveitarfélög um allt land séu öflug, sjálfbær og vel í stakk búin til að takast á við umfangsmikil verkefni og tryggja íbúum faglega og skilvirka grunnþjónustu.

Ívar Sigurðsson er bóndi Feykis þessa vikuna en hann býr á Páfastöðum,ásamt konunni sinni Ingibjörgu og börnum. Búið er rekið í samvinnu við foreldra Ívars en hann er menntaður vélvirki og vélstjóri hefur ekki tekið búfræðinginn ennþá að eigin sögn en það kemur kannski seinna meir. Þau búa eingöngu með nautgripi, um það bil 150 árskýr og svo nokkur naut.

Menntabúðir 2026 fóru fram um helgina í Fjölbrautaskóla Norðurlands vestra, þar sem saman komu yfir áttatíu þátttakendur úr tuttugu björgunarsveitum víðs vegar af landinu. Um var að ræða dagslanga ráðstefnu fyrir björgunarsveitafólk þar sem lögð var áhersla á fræðslu, miðlun reynslu og samveru.

„Ég heiti Sigurvald Ívar Helgason og er með lögheimili á Hvammstanga en hef undanfarin misseri meira eða minna búið í ferðatösku, starfs míns vegna, út um hvippinn og hvappinn,“ segir Silli sem fæddist árið 1972, sama ár og Ziggy Stardust eins og hann segir sjálfur. Hann er fæddur og uppalinn á Hvammstanga, sonur hjónanna Helga Sæmundar Ólafssonar og Dóru Eðvaldsdóttur. Það var tíu ára ferli að fá kappann til að setjast niður og svara Tón-lystinni og í þriðju tilraun hafðist það.

Kafarar varðskipsins Þórs losuðu veiðarfæri sem festust í skrúfu Drangeyjar SK1 síðastliðinn miðvikudag en þá óskaði skipstjórinn eftir aðstoð Landhelgisgæslunnar.Togarinn, sem er í eigu FISK Seafood, var á veiðum um 25 sjómílur vestnorðvestur af Bjargtöngum. Varðskipið Þór sem var á siglingu í Breiðafirði var kallað út og kom á vettvang um fjórum klukkustundum síðar.

Tvö af toppliðum Bónus deildarinnar mættust í Síkinu í kvöld en þá tóku Stólar á móti Grindvíkingum sem hafa hreinlega varla kunnað að tapa í vetur. Úr varð hin besta skemmtun, leikur sem var allan tímann fjörugur og spennandi. Góður kafli heimamanna undir lok fyrri hálfleik reyndist mikilvægur og þó gestirnir kæmust nokkrum sinnum yfir í síðari hálfleik þó höfðu heimamenn undirtökin og náðu að landa sigrinum. Lokatölur 92-87.