Tindastóll fékk skell í Reykjaneshöllinni
Karlalið Tindastóls lék við lið Keflavíkur í Lengjubikarnum í knattspyrnu í gær og óhætt að segja að það hafi fengið óblíðar móttökur í Reykjaneshöllinni. Þegar flautað var til leiks höfðu Suðurnesjamenn skorað sjö sinnum á móti engu marki Stólanna.
Að sögn Donna þjálfara var leikur Stólanna slakur. -Fyrri hálfleikurinn var mjög slakur af okkar hálfu, vorum of langt frá mönnum og gáfum þeim þ.a.l of mikinn tíma á boltanum. Vorum undir í barráttunni og of opnir varnarlega, sagði Donni en að hans mati var seinni hálfleikurinn skárri. Í 30 -35 mín vorum við vel með á nótunum og spiluðum þokkalega og náðum að loka vel á þá og sköpuðum okkur nokkur góð færi og fínar leikstöður.
Þeir skora í seinni hálfleik eftir 2 langskot og horn sem var slakt af okkar hálfu og hefði átt að vera auðvelt að koma í veg fyrir.
Donni segir að úrslitin hafi verið sanngjörn, Keflavík hafi verið betra liðið og unnið verðskuldað.
-Staðan á liðinu er ágæt að mörgu leyti. Líkamlegt atgervi leikmanna er fínt á þessum tíma og margir hlutir sem er verið að vinna með á réttri leið. Það er mikill metnaður í strákunum og allir að leggja mikla vinnu á sig og að gera sitt allra besta.
Við þurfum að venjast því að spila á hærra „leveli“ og við betri andstæðinga heldur en síðustu ár og það tekur tíma. Ég er sannfærður um að við munum verða tilbúnir þegar fyrsti leikur í íslandsmótinu hefst, segir Donni og bætir við að liðið sé feykilega ungt og reynslulítið lið sem þurfi að vinna með og slípa saman. -Það er þolinmæðisvinna fyrir alla þá sem koma að því. 1. deildin er miklu sterkari heldur en 2. deildin svo þetta er stórt stökk en við vonumst til þess að sem flestir verði tilbúnir að takast á við þetta verkefni í ár eða þá á næstu árum, því við viljum sjá Tindastól í þessum 2 efstu deildum í langan tíma í viðbót en ekki bara næsta tímabil.
Við höfum fulla trú á okkur og þessu verkefni og munum gera allt sem í okkar valdi stendur til þess að vera okkur og þeim sem standa okkur að baki til mikils sóma, segir Donni.
Fleiri fréttir
-
Loftur frá Kálfsstöðum ein af stjörnum Íslandsmóts
feykir.is Skagafjörður, Íþróttir, Hestar, Vestur-Húnavatnssýsla, Lokað efni 30.06.2025 kl. 11.35Glæsilegu Íslandsmóti í hestaíþróttum lauk í gær með úrslitum í öllum hringvallagreinum. Á vef Landssamband hestamannafélaga, lh.is, segir: „ Það má segja að það hafi kristallast í úrslitum Íslandsmóts í dag á hversu háu stigi íþróttakeppnin er. Litlu munar á milli knapa í flestum greinum og heilt yfir frábært mót og sterk úrslit. Veðrið lék ekki við keppendur í byrjun dags en átti heldur betur eftir batna þegar leið á daginn og lauk frábæru móti í fallegu Íslensku sumarveðri.”Meira -
Verið velkomin á Sturluhátíð 12. júlí í Tjarnarlundi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.23Hin árlega Sturluhátíð, kennd við sagnaritarann mikla, Sturlu Þórðarson, verður haldin annars vegar á Staðarhóli og hins vegar í félagsheimilinu Tjarnarlundi, Saurbæ í Dölum, laugardaginn 12. júlí nk. Hátíðin hefst kl 14 á Staðarhóli, þar sem stóð bær Sturlu Þórðarsonar. Sturlunefndin hefur haft forgöngu um að setja þar upp söguskilti og hafa þau að geyma margvíslegan fróðleik sem í senn tengist sögu staðarins en umfram allt auðvitað Sturlungu.Meira -
Fiskeldi og samfélagsábyrgð | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.16Fiskeldi hefur átt mikinn þátt í þeirri endurreisn sem íbúar Vestfjarða eru að upplifa. Fiskveiðar hafa verið helsta atvinnugrein á svæðinu en þegar aflaheimildir fluttust í stórum stíl til annarra landshluta fækkaði störfum með tilheyrandi áhrifum á byggðaþróun. Frá upphafi 9. áratugarins fækkaði íbúum Vestfjarða mikið eða þangað til að viðsnúningur varð árið 2017. Óumdeilt er að fiskeldið spilar hér lykilhlutverk. Fiskeldi hefur verið mikilvægt fyrir atvinnuuppbyggingu á landsbyggðinni og er líklega ein mikilvægasta byggðaaðgerð síðustu ára.Meira -
Þemasýning um Þórdísi spákonu í Listakoti Dóru
feykir.is Austur-Húnavatnssýsla, Listir og menning, Lokað efni 30.06.2025 kl. 09.38Laugardaginn 5. júlí næstkomandi kl. 13.00 opnar Dóra Sigurðardóttir listakona áhugaverða sýningu í galleríinu sínu Listakoti Dóru á jörð sinni, Vatnsdalshólum í Húnabyggð, aðeins 2 km suður af Hringveginum. Sýningin er opin á opnunartíma Listakots Dóru, frá kl. 13–18 alla daga nema mánudaga en sýningin sjálf stendur til 20. september.Meira -
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira
