Tindastóll í undanúrslitin í Lengjubikarnum
Stjarnan í GARÐAbæ fékk lið Tindastóls í heimsókn í gærkvöldi í síðasta leiknum í riðlakeppni Lengjubikarsins. Fyrir leik var ljóst að Stjarnan þurfti að sigra leikinn með 16 stiga mun til að skjótast upp fyrir Stólana í riðlinum til að tryggja sér sæti í undanúrslitum keppninnar.
Það hafðist ekki, mestur varð munurinn 13 stig þegar skammt var til leiksloka en Stólarnir börðust af krafti og fór svo að lokum að Stjarnan hafði 12 stiga sigur, 98-86, og Tindastóll því í undanúrslitum Lengjubikarsins sem fara fram í Stykkishólmi nk. föstudagskvöld – ef veður leyfir.
Þar mæta strákarnir liði Þórs frá Þorlákshöfn en í hinum leiknum mætast Snæfell og Grindavík. Úrslitaleikurinn fer síðan fram á laugardeginum. Allir leikirnir verða sýndir beint á Sport TV.
Tindastólsmenn byrjuðu leikinn af miklum krafti og voru komnir í 0-11 áður en tvær mínútur voru liðnar. Það var svosem ekki viðbúið að strákarnir tækju Stjörnumenn á núllinu og komust heimamenn yfir, 22-19, eftir sjö mínútna leik. Stólarnir kláruðu fjórðunginn sterkt, Pétur Birgisson setti niður þrist, og staðan 26-30 að loknum fyrsta leikhluta. Baráttan hélt áfram í öðrum leikhluta en gestirnir höfðu yfirhöndina og voru yfir í leikhléi, 44-51.
Stólarnir héldu forystunni fram undir miðjan þriðja leikhluta en í stöðunni 53-59 duttu Stjörnumenn í gírinn og gerðu 23 stig gegn 7 stigum Stólanna til loka þriðja leikhluta og voru því yfir, 76-66, þegar fjórði leikhluti hófst. Tindastólsmenn komu baráttuglaðir til leiks í fjórða leikhluta, Sigtryggur Arnar setti niður rándýran þrist og minnkaði muninn í 7 stig og Hreinsi sendi einn sömu leið stuttu síðar og ljóst að Stjörnumenn fengju ekkert ókeypis hjá Stólunum. Þeir reyndu þó hvað þeir gátu á lokamínútunum, náðu sem fyrr segir 13 stiga forystu þegar tæplega ein og hálf mínúta var eftir en Stólarnir héldu út og sigr... töpuðu 98-86 og það dugði til.
Stig Tindastóls: Valentine 25 / 11 fráköst, Gibson 22 / 12 stoðsendingar, Hreinsi 11, Helgi Rafn 7, Þröstur 6, Pétur Rúnar 5, Sigtryggur Arnar 4, Ingvi Rafn 3, Svabbi 2 og Helgi Margeirs 1.
Fleiri fréttir
-
Hljóp í 33 klukkustundir
feykir.is Skagafjörður, Íþróttir, Lokað efni 22.09.2025 kl. 11.47Bakgarðshlaupið í Heiðmörk var ræst sl. laugardag 20. september á slaginu klukkan níu og er hlaupinn 6,7 km hringur á hverjum klukkutíma þar til einn stendur eftir sem sigurvegari. Hringurinn er ræstur á heila tímanum og ræðst hvíld keppanda eftir því hvað þú ert fljótur að hlaupa hringinn.Meira -
Tekist á um ágæti virkjana í Skagafirði
feykir.is Skagafjörður, Lokað efni 22.09.2025 kl. 09.31Í Speglinum á Rás2 Ríkisútvarpsins var á föstudaginn sagt frá því að deilur um virkjanir í skagfirskum jökulsár hafi blossað upp í kjölfarið á því að Jóhann Páll umhverfisráðherra lagði til að virkjunarkostir í Héraðsvötnum yrðu færðir í biðflokk í stað verndarflokks. Meirihluti sveitarstjórnar vill virkja en Vinstri græn og óháð leggjast gegn því.Meira -
Grindhvalur fannst á óvæntum slóðum
feykir.is Skagafjörður, Lokað efni 21.09.2025 kl. 20.51Feykir fékk á föstudagskvöldið upphringingu þar sem tilkynnt var um óvanalegan hvalreka og myndir af hvalnum fylgdu í kjölfarið. Umsvifalaust var send fyrirspurn á Náttúrustofu Norðurlands vestra og það kom í ljós að þar vissu menn um hvalrekann en um var að ræða grindhval sem þótti svo sem ekki heyra til tíðinda. Það sem kom þó á óvart var staðsetningin.Meira -
Kotasæluvefja og baunapylsur | Feykir mælir með
feykir.is Skagafjörður, Í matinn er þetta helst, Lokað efni 21.09.2025 kl. 14.05Í tbl. 23 á þessu ári var Feykir að mæla með tveimur girnilegum uppskriftum frá vinkonu okkar Berglindi Hreiðarsdóttur sem er með heimasíðuna Gotteri og gersemar. Var á þeim tíma ekki búin að prufukeyra þá og er ekki enn.... en það hlítur að styttast í að ég gefi mér tíma í það enda virka þeir auðveldir í framkvæmd og efast ekki um að þeir eigi eftir að vera bragðgóðir.Meira -
Örnám, einstakt tækifæri | Aðsend grein
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 21.09.2025 kl. 12.33Þann 15. september komu saman rektor Háskólans á Hólum ásamt deildarstjórum, prófessor, gæðastjóra og kennslustjóra með fulltrúum Háskólafélags Suðurlands, SASS og atvinnugreinum á Suðurlandi til vinnufundar um samstarf á nýrri nálgun í háskólamenntun, þróun örnáms á háskólastigi.Meira
