Tindastólsmenn í tómu tjóni
Lið Tindastóls fór illa að ráði sínu í gærkvöldi þegar strákarnir öttu kappi við ÍR í Hertz-hellinum í Breiðholtinu. Það var ljóst að bæði lið þurftu nauðsynlega að sigra og jafn ljóst að það var aldrei að fara að gerast. Stólarnir þurftu hins vegar að gjöra svo vel að passa upp á að tapa í það minnsta ekki með með meira en 5-6 stiga mun. Með flautuskoti í lok leiksins í gær náði ÍR að sigra með átta stiga mun, 80-72.
Staða Tindastóls er tvísýn fyrir síðustu umferðina sem leikin verður á sunnudaginn. Gestir okkar í Síkinu verða Grindvíkingar sem í gærkvöldi urðu deildarmeistarar og vel að því komnir eftir að hafa spilað vel í vetur. Þrír möguleikar eru í stöðunni hjá Stólunum; enn er möguleiki á sæti í úrslitakeppninni en þá þarf að nást sigur á meisturunum og önnur úrslit að verða okkur hagstæð, ef leikurinn tapast en önnur úrslit verða Stólunum hagstæð höngum við í deildinni í 10. sæti en svo gæti allt farið á versta veg því ef leikurinn gegn Grindavík tapast og annað hvort KFÍ, sem spila við KR heima, eða Fjölnir, sem taka á móti Stjörnunni, sigra í sínum leikjum þá fellur lið Tindastóls. Það verður því spenna á sunnudaginn fram á síðustu sekúndu.
Stólarnir áttu ekki góðan leik í gærkvöldi en fátt benti þó til þess að ÍR-ingar næðu takmarki sínu að sigra með meira en sex stiga mun. Lokafjórðungurinn var hins vegar ömurlegur fyrir gestina sem gerðu aðeins 11 stig á meðan ÍR gerði 20.
Jafnræði var með liðunum í fyrsta leikhluta en ÍR náði góðum kafla um miðjan annan leikhluta og náðu 10 stiga forskoti. Aðeins náðu Stólarnir að klóra í bakkann og í hálfleik munaði sex stigum, staðan 44-38. Hreinsi gaf tóninn í upphafi þriðja leikhluta með 3ja stiga körfu og Tarick Johnson kom Stólunum yfir um miðjan leikhlutann. Staðan var 60-61 fyrir Tindastól þegar fjórði leikhluti hófst og Pétur Birgis gerði fyrstu körfu fjórðungsins og staðan 60-63. ÍR-ingar skiptu yfir í svæðisvörn sem Stólarnir réðu illa við. Engu að síður voru gestirnir með þriggja stiga forystu þegar tæpar fimm mínútur voru eftir, staðan 66-69, en á þeim tæpu fimm mínútum sem eftir lifðu gerði lið Tindastóls aðeins þrjú stig en ÍR mallaði inn 14 stigum á sama tíma, þ.m.t. flautukörfu Hjalta Friðrikssonar sem tryggði Breiðhyltingum átta stiga sigur og betri stöðu í innbyrðis viðureignum liðanna.
Helgi Rafn fór fyrir sínum mönnum í gærkvöldi, gerði 15 stig og tók fimm fráköst en Drew Gibson gerði 12 stig og átti 9 stoðsendingar. Valentine gerði heil fjögur stig, öll af vítalínunni, og setti ekkert af sex skotum sínum innan teigs niður. Þröstur Leó, sem var einna sterkastur Stólanna um mitt mót, kom lítið við sögu í gærkvöldi og náði ekki að komast á blað. En það þýðir ekkert að svekkja sig lengur á þessum leik. Menn verða að koma með hausinn í lagi í lokaleikinn og hitta á toppleik. Stuðningsmenn Tindastóls eru hvattir til að fjölmenna í Síkið og hvetja strákana af krafti. Áfram Tindastóll!
Stig Tindastóls: Helgi Rafn 15, Tarick Johnson 13, Drew Gibson 12, Helgi Freyr 8, Hreinn 8, Svavar 8, Pétur Birgis 4 og Valentine 4.
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
