Tindastólsmenn verða ekki bikarmeistarar í ár
Lið Tindastóls fór enga frægðarför norður á Akureyri á miðvikudagskvöldið en þar mættu strákarnir frísku liði Dalvíkur/Reynis í Bikarkeppni KSÍ en leikið var í Boganum þar sem vart var hundi út sigandi norðan heiða. Til að gera langa og leiðinlega sögu stutta þá voru það heimamenn sem fóru með sigur af hólmi.
Tindastólsmenn höfðu sýnt fína takta um síðustu helgi þegar þeir lutu í gras gegn Haukum en það var fátt um fína drætti í Boganum. Eyfirðingarnir komu baráttuglaðir til leiks og komust yfir strax eftir stundarfjórðung og öðrum stundarfjórðung betur bættu þeir öðru marki við. Staðan 2-0 og Tindastólsmenn varla farið upp á tærnar.
Donni skipti tveimur fyrir tvo í hálfleik og frískaði það aðeins upp á spil Stólanna en þó voru það heimamenn sem höfðu frumkvæðið. Tindastólsmenn fengu nokkur færi en höfðu ekki erindi sem erfiði og luku því þátttöku í Bikarkeppni KSÍ fljótt og örugglega.
Á morgun leika Stólarnir fyrsta heimaleik sinn í 1. deildinni þetta sumarið en þá mæta Ólafsvíkingar á nýsleginn knattspyrnuvöllinn á Króknum. Stuðningsmenn Stólanna eru hvattir til að fjölmenna en það er sennilega í tilefni af leiknum sem Veðurstofan spáir skjannabjörtu en fáum hitastigum og því rétt að klæða kuldann af sér en muna eftir derhúfunni og sólgleraugunum.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
