Tónlistarnám í Skagafirði og fyrirhugað menningarhús | Inga Rósa Sigurjónsdóttir skrifar
Síðastliðin átta ár hefur dóttir mín stundað fiðlu og píanónám við Tónlistarskóla Skagafjarðar. Í fiðlunáminu er gert ráð fyrir að foreldri komi með barni sínu í kennslustundir fyrsta árið, og ég hef því setið í ótal kennslustundum og nokkrum mismunandi kennslustofum í gegnum tíðina. Ég tel mig því þekkja nokkuð vel til starfseminnar.
Við Tónlistarskólann starfar frábært og metnaðarfullt kennarateymi sem leggur sig fram um að veita nemendum faglegt og hvetjandi tónlistarnám. Hins vegar er ljóst að aðstaðan sem kennurum og nemendum er boðin upp á er ekki í samræmi við það mikilvæga starf sem þar fer fram.
Nemendum er t.d. boðið að spila á tónleikum í matsal Árskóla (sem er hannaður með það fyrir augum að dempa hljóð) sem er langt frá því að vera hentugur vettvangur fyrir slíka viðburði. Af virðingu við nemendur og kennara er kominn tími til að Tónlistarskólinn fái aðstöðu sem hæfir mikilvægi tónlistarnámsins bæði hvað varðar kennslustofur og tónleikasal.
Í ár eru 158 nemendur skráðir í nám við skólann og þar starfa sjö kennarar í fullu starfi. Það eitt segir sitt um umfang og mikilvægi starfseminnar. Nú ætti Sveitarfélagið Skagafjörður að sýna í verki að því sé annt um tónlistaruppeldi barna í héraðinu og tryggja Tónlistarskólanum framtíðarheimili í væntanlegu menningarhúsi. Þar sem húsið er meðal annars hannað fyrir leiksýningar ætti ekkert að vera því til fyrirstöðu að sami salur nýtist einnig fyrir tónleika án mikilla breytinga.
Ég skora á sveitarstjórnina að skoða með opnum huga hvernig kennsluaðstaða Tónlistarskólans er í dag og spyrja sig hvort hún endurspegli virðingu okkar fyrir menningu, listum og framtíð ungs fólks í Skagafirði.
Inga Rósa Sigurjónsdóttir
Fleiri fréttir
-
„Saman við sitjum og saumum inni í stóru húsi...“
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 14.11.2025 kl. 10.33Langar þig til að hressa við gamla uppáhalds flík? Textílmiðstöðin, í samstarfi við fatahönnunarnemendur í Listaháskólanum, býður til vinnustofu miðvikudaginn 19. nóvember kl. 16 – 19 í Félagsheimilinu Blönduósi. Nemendur sýna áhugaverð dæmi og aðstoða þátttakendur við að breyta, bæta og/eða skapa nýja flík úr gamalli.Meira -
Skorað á ráðherra að skoða gríðarlegar hækkanir á raforku
feykir.is Skagafjörður, Lokað efni 14.11.2025 kl. 08.49Í fundargerð Landbúnaðar- og innviðanefndar sem fram fór í gær, 13. móvember, var til umfjöllunar ný gjaldskrá Rarik um hækkun á verði fyrir dreifingu og flutning á raforku. Á gjaldskráin að taka gildi frá og með 1. nóvember sl. Að sögn Einars E. Einarssonar, formanns Landbúnaðar- og innviðanefndar, eru þessar tíðu og miklu hækkanir sem eru á raforku landsmanna mikið áhyggjuefni. Nú er það flutningurinn sem hækkar í fjórða skiptið á árinu en það má öllum ljóst vera að þessar hækkanir hafa mjög neikvæð áhrif á bæði einstaklinga, fyrirtæki og sveitarfélög.Meira -
Logi Einars með opinn viðtalstíma á Sauðárkróki
feykir.is Skagafjörður 14.11.2025 kl. 08.45Logi Einarsson, menningar,- nýsköpunar- og háskólaráðherra, verður með opinn viðtalstíma í Ráðhúsinu á Sauðárkróki næstkomandi mánudag, 17. nóvember kl. 10. Þar gefst áhugasömum færi á að eiga milliliðalaust spjall við ráðherrann um þau fjölmörgu málefni sem eru á borði menningar-, nýsköpunar- og háskólaráðuneytisins.Meira -
Grunnskólinn austan Vatna tók þátt í Jól í skókassa
feykir.is Skagafjörður, Mannlíf, Lokað efni 13.11.2025 kl. 14.27Líkt og fleiri skólar á Norðurlandi vestra síðustu vikurnar þá tók Grunnskólinn austan Vatna þátt í fallega verkefninu Jól í skókassa. „Verkefnið er alþjóðlegt og miðar að því að gleðja börn sem lifa við fátækt, sjúkdóma og erfiðleika með því að gefa þeim jólagjafir. Gjafirnar eru settar í skókassa og til að tryggja að öll börnin fái svipaðar gjafir er mælst til að ákveðnir hlutir séu í hverjum kassa,“ segir í frétt á vef GaV.Meira
